О́tken jyl erekshe boldy – biz Qazaqstan halqy Assambleıasy men elimizdiń Negizgi zańynyń 25 jyldyǵyn, Uly Jeńistiń 75 jyldyǵyn, Abaıdyń 175 jáne ál-Farabıdiń 1150 jyldyq mereıtoılaryn atap óttik. Osynaý mereıli datalar qazaqstandyqtardyń júregine jyly shýaǵyn septi, olardy asa joǵary ári mazmundy deńgeıde atap ótý otandastarymyz úshin úlken abyroı bolǵany sózsiz.
2020 jyl Eriktiler jyly boldy. Jalpyulttyq «Biz birgemiz» qaıyrymdylyq aksııasyn júzege asyrý Qazaqstan halqynyń birligi men yntymaqtastyǵynyń aıqyn kórinisin pash etti. Biz birigý arqyly kez-kelgen kúrdeli mindetterdi sheshe alatynymyzdy jáne jaýapkershiligimizdiń joǵary deńgeıin kórsete aldyq.
Aldaǵy jyly el-jurtymyz úshin tarıhı mańyzdy bolyp tabylatyn basty qundylyǵymyz – Otanymyz Táýelsizdiginiń 30 jyldyǵyn atap ótkeli otyrmyz.
Osynaý mereıli jyl ómirimizdi jaqsartatyn, elimizdegi beıbitshilikti, birlik pen kelisimdi nyǵaıtatyn bizdiń jalpy jetistikterimiz ben tabystarymyzdyń, naqty ister men jańa jobalardyń jyly bolatynyna senimdimiz.
Qymbatty jerlester!
Jańa jyl shańyraqtaryńyzǵa bereke, shattyq pen baqyt ákelsin, barsha úmitterińiz ben armandaryńyzdy aqtasyn!
Sizderge jáne otbasylaryńyzǵa myqty densaýlyq, amandyq jáne súıispenshilik tileımiz!
Eńbekterińiz ben bastamalaryńyz árdaıym jemisti jáne tabysty bolsyn!
Jańa jyldaryńyzben!
