Saılaýshy óziniń bolý ornyn aýystyrǵan kezde ústimizdegi jylǵy 26 jeltoqsanda jáne 2021 jylǵy 9 qańtar saǵat 18-ge deıin daýys berý quqyǵyn beretin esepten shyǵarý kýáligin alýǵa quqyly.
Esepten shyǵarý kýáligin ýchaskelik saılaý komıssııasy saılaýshynyń ótinishi jáne onyń jeke basyn kýálandyratyn qujatty usynýy boıynsha beredi.
Esepten shyǵarý kýáligi bir eldi mekenniń shegindegi basqa saılaý okrýginde nemese basqa saılaý ýchaskesinde daýys berýge qatysqysy keletin saılaýshylarǵa berilmeıdi.
Saılaýshy daýys berý quqyǵyn beretin esepten shyǵarý kýálikteriniń úsh túrin: Parlament Májilisine, oblystyń, qalanyń (aýdannyń) máslıhatyna ala alady.
Esepten shyǵarý kýáligin kórsetken kezde ýchaskelik saılaý komıssııasy daýys berý kúni saılaýshyny onyń kelgen jeri boıynsha saılaý ýchaskesindegi saılaýshylar tizimine engizedi.
Saılaýshy esepten shyǵarý kýáligi boıynsha daýys berý kezinde tıisti ákimshilik-aýmaqtyq birlik sheginde saılaý bıýlletenderiniń ártúrli sanyn ala alady.
Oblystyń bir aýdany sheginde daýys berý kezinde saılaýshy Parlament Májilisiniń, oblystyq máslıhattyń jáne aýdandyq máslıhattyń depýtattaryn saılaýǵa qatysa alady.
Bir oblys sheginde (biraq basqa aýdanda, qalada) saılaýshy Parlament Májilisi men oblystyq máslıhat depýtattaryn saılaýǵa qatysatyn bolady.
Oblystan tys jerlerde tek Parlament Májilisi depýtattaryn saılaı alady.
