Qazaqstan • 01 Qańtar, 2021

1 qańtardan bastap jappaı deklarasııalaý bastaldy

1511 ret kórsetildi

2021 jyldyń 1 qańtarynan bastap elimizde jalpy halyqtyq deklarasııalaý bastalady. Azamattar ózine túsetin tabysty ashyp kórsetýi tıis, dep habarlaıdy Egemen.kz.

Qarjy mınıstrligi memlekettik kirister komıtetiniń jalpy deklarasııa bóliminiń basshysy Dına Qusaıynovanyń aıtýynsha, jappaı deklarasııalaýdyń basty maqsaty – kóleńkeli ekonomıkamen, jemqorlyqpen kúresý jáne el bıýdjetin toltyrý.

– Jappaı deklarasııalaý eldiń árbir azamatynyń ómir sapasyn kúsheıte alatyn kóptegen múmkindikterge ıe. 2021 jyldyń 1 qańtarynan bastap biz jalpy deklarasııalaý júıesine enemiz. Alǵashqy kezeńde memlekettik qyzmetshiler men olardyń jubaılary, sondaı-aq olarǵa teńestirilgen adamdar men olardyń jubaılary tabysyn tapsyrady, – dedi Qusaıynova AntikorLive brıfınginde.

Jappaı deklarasııalaýdyń arqasynda memlekettik qyzmetkerlerdiń osy ýaqytqa deıin jasyryp kelgen aktıvteri jarııa bolady. Sondaı-aq deklarasııa tapsyrýshy debıtorlyq-kredıttik qaryzyn, qymbat turatyn múlkin, ınvestısııalyq altyndaryn, jeke menshigin, avtorlyq quqyǵyn, qolma-qol aqshasyn da atap kórsetýi tıis. 1 qańtardan bastap deklarasııa tapsyratyn azamat 2020 jyldyń 31 jeltoqsandaǵy jaǵdaı boıynsha ózine tıesili búkil aktıv pen mindettemelerdi ashyp kórsetedi.

1 qańtardan bastap myna azamattar deklarasııa tapsyrady: jaýapty memlekettik qyzmetti atqarýshylar jáne onyń jubaılary; memlekettik fýnksııalardy oryndaýǵa ókiletti tulǵalar jáne olardyń jubaılary; memlekettik fýnksııalardy oryndaýǵa ókiletti tulǵalarǵa teńestirilgen tulǵalar jáne olardyń jubaılary; Sondaı-aq QR Konstıtýsııalyq, QR saılaý týraly jáne jemqorlyqqa qarsy kúres týraly, bank jáne bank qyzmeti týraly, saqtandyrý qyzmeti týraly zańdaryna sáıkes deklarasııa usyný boıynsha mindetter júktelgen tulǵalar.

Jappaı deklarasııalaýdyń ekinshi kezeńi 2023 jyldyń 1 qańtarynan bastalady. Ol kezde memlekettik kásiporyndardyń qyzmetkerleri (bilim berý, densaýlyq saqtaý, mádenıet, sport jáne basqa salalardy qosa alǵanda) jáne olardyń jubaılary tapsyrady. Úshinshi kezeńde – 2024 jyldyń 1 qańtarynan bastap zańdy tulǵalardyń basshylary men quryltaıshylary jáne olardyń jubaılary, dara kásipkerler men olardyń jubaılary tabystaryn ashyp kórsete bastaıdy. Halyqtyń qalǵan sanattary 2025 jyldyń 1 qańtarynan bastap jappaı deklarasııalaýǵa qatysady.

«Bul rette árbir kezeńniń qorytyndylary taldanyp, problemalyq máseleler anyqtalatynyn jáne zańnamany, ádisnamany jáne aqparattyq júıelerdi jetildirý boıynsha sharalar qabyldanatynyn atap ótý mańyzdy» delingen elektrondy úkimet portalynda keltirilgen derekte.

Deklarasııa tapsyrýshylar 15 shildege deıin qaǵaz júzinde, 15 qyrkúıekten keshiktirmeı elektrondy túrde tabysy týraly aqparatty tapsyra alady.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar