Oqıǵa • 06 Qańtar, 2021

Nur-Sultan qalasynda jataqhana órtendi

58 ret kórsetildi

Búgin, ıaǵnı 6 qańtar saǵat 20:57-de Nur-Sultan qalasy TJD О́rt sóndirý bólimshelerine Medeý kóshesi, 24 meken-jaıy boıynsha ǵımarat janyp jatqany týraly habar tústi, dep habarlaıdy Egemen.kz Nur-Sultan qalasy TJD baspasóz qyzmeti taratqan aqparatqa silteme jasap.

22 adam jáne 4 tehnıkadan turatyn jeke quram shaqyrylǵan jerge barynsha jedel jetti. О́rt sóndirýshiler kelgen boıda jataqhana retinde jabdyqtalǵan bir qabatty mansardaly 20 bólmeli jeke úı janyp jatqany anyqtaǵan. О́rt saldarynan ǵımarattyń tóbesi opyrylyp tústi.

Elordalyq órt sóndirýshilerdiń jedel, kásibı is-áreketteriniń nátıjesinde tilsiz jaý 30 mınýtta aýyzdyqtalyp, saǵat 21:39-da tolyq sóndirildi. О́rt sóndirýshiler kelgenge deıin turǵyndar óz betimen evakýasııalandy jáne qazirgi ýaqytta týysqandarynyń úılerine ornalastyryldy. Qaza bolǵandar men zardap shekkender joq. Aldyn ala boljam boıynsha órttiń aýmaǵy 80 sharshy metrdi quraıdy.

Nur-Sultan qalasy TJD azamattardy órt qaýipsizdigi erejelerin jaýapkershilikpen saqtaýǵa, saq bolýǵa jáne órtti sóndirýden góri aldyn alý áldeqaıda ońaı ekenin este ustaýǵa shaqyrady.

"Balalardy qaraýsyz qaldyrmańyz, tósekte temeki shekpeńiz, turmystyq jáne basqa tehnıkany paıdalaný jónindegi nusqaýlyqty saqtańyz, elektr symdarynyń oqshaýlaǵyshy zaqymdanǵan quraldardy paıdalanbańyz", - delingen Nur-Sultan qalasy TJD baspasóz qyzmeti taratqan habarlamada.

Sońǵy jańalyqtar

Bılikten ketkisi joq

Álem • Keshe

Venesııadan nesi kem?

Qoǵam • Keshe

Jaýaby joq jumbaq taǵdyr

Ádebıet • Keshe

Aınalma joldyń azaby

Aımaqtar • Keshe

Uqsas jańalyqtar