Taǵaıyndaý • 07 Qańtar, 2021

Qostanaı oblystyq sotyna jańa tóraǵa taǵaıyndaldy

22 ret kórsetildi

Qazaqstan Respýblıkasy Joǵarǵy Sotynyń Tóraǵasy Jaqyp Asanov Qostanaı oblystyq sotynyń jańadan taǵaıyndalǵan tóraǵasy Anatolıı Sergeevıch Smolındi qashyqtan tanystyrdy, dep habarlaıdy Egemen.kz Qostanaı oblystyq sotynyń resmı saıtyna silteme jasap.

Oblystyq sot baspasóz qyzmetiniń málimetinshe , sharaǵa oblys ákiminiń orynbasary, quqyq qorǵaý jáne memlekettik organdardyń basshylary, sot júıesiniń ardagerleri, sot alqalarynyń tóraǵalary men sýdıalar, sondaı-aq sottar ákimshisiniń basshylyǵy qatysqan.

Is-sharany ashqan J.Asanov Qostanaı oblystyq sotynyń tóraǵasy qyzmetin atqarǵan Aslambek Merǵalıevke tabys tilep, sot júıesiniń damýyna qosqan úlesi úshin alǵysyn bildirdi.

«Qazaqstan Respýblıkasy sottarynyń tóraǵalary men sýdıalaryn qyzmetke taǵaıyndaý men qyzmetten bosatý týraly» Qazaqstan Respýblıkasy Prezıdentiniń 2020 jylǵy 31 jeltoqsandaǵy Jarlyǵymen A.Merǵalıev Aqtóbe oblystyq sotynyń tóraǵasy qyzmetine taǵaıyndaldy.

«A.Smolın sot júıesinde 31 jyl jumys istegen, ol eki aýdandyq sottyń tóraǵasy, Soltústik Qazaqstan oblystyq sotynyń alqa tóraǵasy, QR Joǵarǵy Sotynyń sýdıasy bolǵan, QR Joǵarǵy Sotynyń Qadaǵalaý alqasyn basqarǵan, sondaı–aq QR Joǵary Sot Keńesiniń tóraǵasy qyzmetin atqarǵan.

Onyń sot júıesine sińirgen barlyq eńbegin, tájirıbesi men bilimin eskere otyryp, Memleket Basshysy A.Smolındi osy laýazymǵa taǵaıyndaý týraly sheshim qabyldady», - dep jańa qyzmetine tabys tilep, túıindedi J.Asanov.

1

«Jaqyp Qajmanuly, biz ujymmen birge Sizdiń senimińizdi eńbekke degen sapaly jáne adal qarym-qatynasyńyzben aqtaýǵa tyrysamyz jáne Siz bastamashy bolyp tabylatyn reformalardy júzege asyrýǵa yqpal etetin bolamyz», - dep atap ótti sot tóraǵasy A.Smolın.

Quqyq qorǵaý jáne memlekettik organdardyń basshylaryna arnaǵan sózinde A. Smolın saltanatty is–sharaǵa qatysqany úshin alǵysyn bildirip, árkimniń fýnksııalary ártúrli, biraq mindetimiz bir ol memlekettiń ıgiligi úshin jumys isteý jáne adam quqyqtaryn nyǵaıtý ekenin atap ótti.

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar