Mádenıet jáne sport mınıstrliginiń qoldaýymen Ulttyq akademııalyq kitaphana 15 jyl qatarynan uıymdastyryp kele jatqan aksııa aıasynda tańdalǵan kitaptar respýblıkalyq, oblystyq, qalalyq, aýdandyq, aýyldyq jáne mektep kitaphanalarynda keńinen nasıhattalyp júr.
Jýyrda 2021 jyldyń Jyl kitaptaryn tańdaý boıynsha «Bir el – bir kitap» aksııasy komıssııasynyń kezekti otyrysy bolyp ótti. Bul joly el Táýelsizdiginiń 30 jyldyǵyna oraı, jalpyhalyqtyq oqýǵa «Táýelsizdigimizdiń 30 jyldyǵyna – 30 kitap» rýhanı-mádenı aksııasy usynylyp otyr. Joba aıasynda poezııa janry boıynsha Muqaǵalı Maqataevtyń «О́mirdastan», Jumeken Nájimedenovtiń «Meniń Qazaqstanym», Ulyqbek Esdáýlettiń «Kıiz kitap», Serik Aqsuńqarulynyń «Kókeıimde Kúlteginniń jazýy» jınaqtary, al proza janry boıynsha Tynymbaı Nurmaǵambetovtiń «Perishtelerdiń ólimi», Tobyq Jarmaǵambetovtiń «Otamaly», Turysbek Sáýketaıdyń «Jelqaıyq», t.b. shyǵarmalary tańdalǵan. Budan bólek dramatýrgııa, balalar ádebıeti, aýdarma janrlarynda da birneshe oqylymdy avtorlar qamtylǵan.
