Konstıtýsııalyq merzimge sáıkes ótip jatqan Májilis saılaýyna elimizde tirkelgen 5 saıası partııa, atap aıtqanda, «Nur Otan» partııasy, «Aýyl» halyqtyq-demokratııalyq patrıottyq partııasy, «ADAL» saıası partııasy, Qazaqstannyń «Aq jol» demokratııalyq partııasy, «Qazaqstannyń Halyq partııasy» depýtattyq mandattan úmitti. Bul partııalar barlyq deńgeıdegi jergilikti máslıhattarǵa da óz kandıdattaryn usynǵan.
Májiliske 5 partııadan barlyǵy 312 kandıdat usynyldy:
«Nur Otan» partııasynan 126;
«Aýyl» halyqtyq-demokratııalyq patrıottyq partııasynan 19;
«ADAL» saıası partııasynan 16;
Qazaqstannyń «Aq jol» demokratııalyq partııasynan 38;
«Qazaqstannyń Halyq partııasynan» 113 adam bar.
Al jergilikti máslıhattardan 832, sonyń ishinde «Aýyl» HDPP-dan – 158, «Nur Otan» partııasynan 216, «ADAL» SP-nan – 215, «Aq jol» QDP-nan – 174, «Qazaqstan Halyq partııasynan» 69 partııalyq tizim tirkeldi.
Saılaý týraly Konstıtýsııalyq zańǵa sáıkes, daýys berý ýaqyty standartty (saǵat 7:00-20:00 aralyǵy) bolady.
Batys Qazaqstan, Aqtóbe, Atyraý, Mańǵystaý, Qyzylorda oblystarynda ýaqyt aıyrmashylyǵyna baılanysty saılaý ýchaskeleri jergilikti ýaqyt boıynsha saǵat 07:00-de – Nur-Sultan ýaqyty boıynsha saǵat 08:00-de ashylady.
