Smıt bul shyǵarmasyn biraz ýaqyt buryn jazsa da 1 qańtardy kútken eken. О́ıtkeni dál osy kúni Fısdjerald kitabynyń avtorlyq quqyǵy shegine jetip, shyǵarma qoǵamdyq ıgilikke aınaldy.
Kirispe roman sıýjetinde áńgimeshi túpnusqadaǵy Nık Karraýeıdiń Getsbımen kezdeskenge deıingi oqıǵasyn baıandaıdy. Atalǵan kitap ádebı synshylardyń qarama-qaıshy pikirlerin týdyrdy.
Town & Country baspasy bul eńbektiń Fısdjeraldqa degen erekshe qurmet ekenin jáne Nık Karraýeıdiń bulyńǵyr ótkenin ashyp kórsetkenin atap ótti. Al Los Angeles Times synshysy, kerisinshe roman óte asyǵys jazylǵan shıki týyndy ekenin aıtty.
Aıta keteıik, «Uly Getsbı» – amerıkalyq jazýshy Frensıs Skott Fısdjeraldtiń úzdik týyndysy. 2013 jyly roman jelisi boıynsha gollıvýdtyq fılm túsirilgen edi. Sol jyly fılm fýror (kúshti áser) týǵyzyp, onyń ánshi Fergı oryndaýyndaǵy A little party never killed nobody saýndtregi hıt ánge aınaldy.
Alaıda kitapty oqyǵandardyń ózi romannyń alǵashqy ataýy basqasha bolǵanyn bile bermeıdi. Djaz dáýiriniń uly týyndysyna ataý qoıý barysynda avtor kóp oılanǵan. Onyń «Getsbı – Altyn qalpaq», «Essiz ǵashyq» jáne t.b. nusqalary bolypty. Baspadan shyǵarýǵa bir apta qalǵanda «Trımalhıon toıy» dep bekitilgen. Keıin ol da ózgerip, AQSh týynyń tústerine saı «Qyzyl, kók, aqtyń astynda» dep atalǵan. Biraq eń sońynda álemge tanys «Uly Getsbı» ataýy tańdaldy.
Jalpy, roman 1925 jyly 10 sáýirde jaryq kórgen. Amerıka ádebıetindegi Djaz dáýiriniń ókili sanalatyn Fısdjerald shyǵarmasyn Nıý-Iorkte bastap, Eýropadaǵy saıahaty kezinde Parıjde aıaqtaǵan. Alǵash sol jerde jarııalanǵan bolatyn. Oqıǵa Nıý-Iorkten alshaqtaý ornalasqan Long-Aılend «altyn jaǵalaýynda» ótedi. 1998 jyly roman Modern Library baspasy usynǵan tizim boıynsha XX ǵasyrdyń eń úzdik 100 kitabynyń reıtınginde 2-oryn ıelendi.
