О́ńirlik kommýnıkasııalar qyzmetinde ótken brıfıngte oblystyń bas sanıtarııalyq dárigeri Nurbek Nyshanov epıdemııaǵa qarsy atqarylyp jatqan is-sharalarǵa toqtalyp, naýqastar boıynsha anyqtalǵan 59 oshaqta dezınfeksııalyq jumystar júrgizilgenin aıtty.
«Oshaqtardaǵy qarym-qatynastaǵylar sany - 313. Sonymen qatar, mobıldi toptarmen júrgizilgen monıtorıngtik jumystarynyń nátıjesi boıynsha 1-12 qańtar aralyǵynda 2 254 nysan qamtylyp, 171 aıyppul salyndy. Onyń ishinde QR ÁQB Kodeksiniń 425 babynyń 1 tarmaǵymen 168 jeke tulǵaǵa - 30 AEK kóleminde (7 350 840 tg), 3 jeke kásipkerge - 230 AEK ( 1 006 365 tg) kóleminde aıyppuldar salyndy», dedi Nurbek Sadyqbekuly.
Sondaı-aq, brıfıngke qatysqan oblystyq qoǵamdyq densaýlyq basqarmasy basshysynyń orynbasary Nurhan Narymbetova oblys boıynsha 610 ınfeksııalyq jáne 340 karantındik tósek-oryn uıymdastyrylǵanyn aıtty.
«Búgingi tańǵa, ınfeksııalyq tósek-oryndar sanynyń júktemesi – 18,2%. Karantındik tósek-orynnyń júktemesi - 10% (33 adam). Koronavırýstyq ınfeksııanyń túrli ssenarııine baılanysty ınfeksııalyq tósek-oryndar sanyn 5 610-ǵa deıin ulǵaıtýǵa múmkindik bar», dedi basqarma basshysynyń orynbasary.
