Artel kompanııasy Túrkistanda 1 mln-ǵa deıin gaz plıtasyn shyǵarady. Joba aıasynda 2 myńnan astam jańa jumys orny ashylady. Tehnıka baǵasy da tutynýshy úshin qoljetimdi bolmaq. Oblysy ákiminiń baspasóz qyzmeti habarlaǵandaı, jobany júzege asyrý barysynda ákimdik tarapynan jan-jaqty qoldaý kórsetiledi. «Dostyq qatynastarǵa negizdelgen Qazaqstan – О́zbekstan yntymaqtastyqtyǵy nyǵaıa túsýde. Búgingi joba birazdan beri talqylanyp kelgen. Bul birlesken jumystyń basy ǵana. Jalpy, ózbekstandyq ınvestorlar Túrkistan qalasyna birneshe óndiris ornyn ashýǵa qyzyǵýshylyq bildirip otyr», dedi oblys ákimi О́mirzaq Shókeev kezdesýde. Artel kompanııasy Túrkistan oblysynda asúı plıtalaryn, qalyptaý buıymdaryn jáne elektr sý jylytqyshtaryn shyǵaratyn zaýyt salady. Aıta ketelik, ótken jyldyń sońynda kompanııa ókilderi Túrkistan qalasyna kelip, óńirdiń ınvestısııalyq ahýaly, ekonomıkalyq múmkindikteri jáne ındýstrıaldyq aımaqtaǵy ınvestorlar úshin jasalynǵan múmkindiktermen tanysqan bolatyn.
Sonymen qatar О́zbekstan eline sapary barysynda oblys ákimi О́mirzaq Shókeev Chınaz aýdanynda bolyp, turǵyndardy jumyspen qamtý maqsatynda boı kótergen toqyma ónimderin shyǵaratyn iri tigin fabrıkasynyń ashylý rásimine qatysty.
