О́ńirlik kommýnıkasııalar qyzmetinde ótken brıfıngte osyndaı derekter keltirgen Túrkistan oblysy TJD Tótenshe jaǵdaılardy joıý basqarmasynyń bastyǵy Talǵat Dosalıev barlyq joldar baqylaýǵa alynǵanyn málimdedi.
«О́ńirde respýblıkalyq jáne oblystyq joldardaǵy asýlardaǵy 11 jylytý beketteri tósek-oryn, elektr qozǵaltqyshtary jáne kómir-otyndarymen qamtamasyz etilgen. Joldardy qardan tazalaýǵa tuz sebý, qum shashý jumystaryna jalpy 550-ge jýyq adam jáne 178 tehnıka tartylǵan. Sondaı-aq 1400 dana «Taıǵaq jol» belgileri ornatylǵan», dedi Talǵat Serikuly.
Oblys aýmaǵyndaǵy 40 sý qoımasynyń úsheýine (Aqsúmbe, Baqyrly, Ashy) kúrdeli jóndeý jumystary júrgizilgen. Kóktemgi mezgilde sý tasqynyn boldyrmaý, aldyn alý boıynsha tıisti jumystar atqarylýda. Syrdarııa ózenine jáne qaýipti ýchaskelerge jer ústi, áýeden sholý boıynsha kúndelikti monıtorıng jumystary júrgizilýde.
