Avtomobıl zaýyty men "Ýral" AZ saýda úıi basshylyǵymen kezdesý barysynda Túrkistan oblysynda "Ýral" brendimen júk avtomobılderi men arnaıy tehnıkany qurastyrýdy uıymdastyrý múmkindigi talqylandy. "Kóp jylǵy tájirıbeni, sondaı-aq avtomobıl zaýytynyń aıryqsha ımıdjin eskere otyryp, biz olardy óńirdiń ınvestısııalyq múmkindikterimen tanysý úshin Túrkistan qalasyna shaqyrdyq. "Ýral" kompanııasynyń ókilderi joǵary qyzyǵýshylyq tanyta otyryp, bıyl aqpan aıynyń ekinshi jartysynda bizdiń óńirge jumys saparymen kelýge sheshim qabyldady. Sonymen qatar Chelıabi oblysy gýbernatorynyń orynbasary Kovalchýk Egor Vıktorovıchpen kezdesý ótkizdik. Úkimet músheleriniń qatysýymen ótken jıyn kezinde biz óńirler arasynda saýda-ekonomıkalyq qatynastar ornatý máselelerin ortaǵa saldyq", deıdi oblys ákiminiń orynbasary Meıirjan Myrzalıev.
Mamandar ekijaqty strategııalyq seriktestikti odan ári nyǵaıtýǵa jáne Chelıabi oblysymen tyǵyz saýda-ekonomıkalyq qarym-qatynas ornatýǵa baǵyttalǵan sapar Túrkistan óńirinde mashına jasaý salasynyń damýyna jańa serpin beretinin aıtýda.
