Qoǵamdyq densaýlyq basqarmasynyń ótken jylǵy qyzmeti qorytyndylanyp, erteńgi josparlary talqylanǵan keńeıtilgen alqa otyrysynda osyndaı derekter keltirildi. «Statıstıkalyq derekterge súıensek, halyq sanynyń ósýi birinshi kezekte týý kórsetkishine jáne ana men bala densaýlyǵyna tikeleı táýeldi. Oblysta ana men bala ólimin tómendetý úshin medısınalyq kómektiń qoljetimdiligin arttyryp, áleýmettik ahýaldy túzetý baǵytynda birshama ister atqaryldy. Búginde oblys ana ólimi boıynsha respýblıkada 16.3 kórsetkishimen eń sońǵy orynda. Bul dárigerlerdiń tynymsyz eńbeginiń jemisi. Sondaı-aq oblys boıynsha negizgi medısınalyq-demografııalyq kórsetkishteriniń jaqsarǵanyn atap ótken jón. Osylaısha sońǵy jyldary óńirde ómir súrý uzaqtyǵy artyp, jalpy ólim-jitim, týberkýlez 26,5% tómendegen. Qaterli isik aýrýlary, qan aınalymy júıesi aýrýlary da edáýir azaıdy», dedi alqa otyrysynda qoǵamdyq densaýlyq basqarmasynyń basshysy Marat Pashımov.
О́ńirde epıdemııalyq jaǵdaı turaqty. Turaqty negizde oblysta koronavırýstyq ınfeksııasy bar naýqastardy emdeýge jatqyzý úshin myńǵa jýyq ınfeksııalyq jáne karantındik tósek uıymdastyrylǵan. Memlekettik PTR zerthanalarynyń sany úsh esege kóbeıtildi. Aýdandar jyljymaly medısınalyq keshenmen tolyq qamtamasyz etildi, jedel járdem parki 96% -ǵa jańardy. Sondaı-aq alqa otyrysynda aldaǵy ýaqytta júzege asyrylýy tıis josparlar men mindetter aıqyndaldy.
Jıynǵa qatysqan oblys ákiminiń orynbasary Arman Sábıtov basqarma qyzmetin oń baǵalap, birqatar naqty tapsyrma júktedi.
