«Jumysshylarǵa kúnine 3200 teńgeden eńbek aqysyn tóleýdemiz. Qyryqqabattyń evreıler oılap tapqan «valıkor» atty sortyn tamshylatyp sýarý tehnologııasymen egip jatyrmyz. Negizinen 2 aıdyń kóleminde ekken eginimiz pisip jetiledi. Egilgen kóshettiń ústin japqyshpen jaýyp, jaýyn-shashynnan qorǵaımyz. Eń bastysy – kútip-baptaýǵa úlken mán berilýi kerek», dedi qojalyq basshysy Sh.Kýsherbaev.
Erte pisetin qyryqqabat ónimine eýropalyqtar men reseılikter tarapynan suranys óte joǵary. Qyryqqabat daqyly erte pisetindikten, maqtaaraldyq dıqandar onyń sońynan qaýyn-qarbyz, maqta sııaqty daqyldardy egýge kirisedi. Osylaısha jer emgen sharýalar jylyna eki ret, tipti úsh ret ónim alady.
Aıta ketelik, bıyl aýdanda 1342 gektar alqapqa kókónis egiletin bolsa, sonyń 500 gektardan astamyna qyryqqabat egý josparlanýda.
