Almaty qalasynyń ákiminiń tapsyrmasy boıynsha megapolıste 32 monıtorıngtik top kúsheıtilgen rejimde jumysyn jalǵastyrýda. Basty mindet – karantındik sharalardyń saqtalýyn baqylaý, koronavırýstyq ınfeksııanyń taralýyna jol bermeý úshin tártip buzýshylyq faktileriniń jolyn kesý, sondaı-aq túsindirý jumystaryn júrgizý.
Aǵymdaǵy jyldyń basynan bastap 1-19 qańtar aralyǵynda 221 is-shara ótken. Onyń barysynda 1634 nysan tekserilip, 60 nysanda karantındik sharalardyń buzylǵany anyqtalyp otyr. Osy boıynsha 35 hattama toltyrylsa, onyń ishinde zańdy tulǵalarǵa 2 610 715 teńge somasyna 15 hattama, jeke tulǵalarǵa qatysty betperde rejımin buzǵany úshin 875 100 teńge somasyna 25 hattama jazylǵan.
Buǵan deıin sot 19 kásipkerlik sýbektisine qatysty qyzmetin toqtata turý jáne aıyppul salý týraly sheshim shyǵarǵan bolatyn. Búgingi kúni sotqa 462-baptyń 3-bóligi boıynsha qosymsha 7 materıal berildi:
Alataý aýdany boıynsha 3 materıal: «Jaqsylyq» dámhanasy, «Sentr shashlyka» dámhanasy, «Parvaz» dámhanasy ( qyzmeti 1 aıǵa toqtatyldy, aıyppul-100 AEK);
Almaly aýdany boıynsha 1 materıal «Fınık» meıramhanasy boıynsha;
Jetisý aýdany boıynsha Nııazov J.A. kompıýterlik klýbyna 1 materıal.;
Naýryzbaı aýdany boıynsha 2 materıal: «Premera» dámhanasy, «Taýjoly» dámhanasy (qyzmetin 1 aıǵa toqtatý, aıyppul-100 AEK).
Almaty ákimdigi megapolıs turǵyndary men qonaqtaryn betperde rejimin jáne áleýmettik qashyqtyqty qatań saqtaýǵa, jeke gıgıena sharalaryn saqtaýǵa shaqyrady. Bul densaýlyq saqtaý sharalary ásirese azamattardyń eń osal sanattaryna – balalarǵa, qarttarǵa, sondaı-aq sozylmaly aýrýlary bar adamdarǵa qatysty. Sondaı-aq, qoǵamdyq kólikterde saqtyq sharalaryn saqtaý mańyzdy.
Kásipkerlik sýbektileri pandemııa jáne aýqymdy juqtyrýdyń jańa tolqyny qaýpi kezeńinde qaýipsizdik sharalarynyń talaptaryn buljytpaı saqtaýy qajet – bul qyzmetkerler men kelýshilerdiń termometrııasy, áleýmettik qashyqtyq pen betperde rejıminiń saqtalýyn, jeke qorǵanysh quraldarynyń (betperdeler, qolǵaptar) aýysýyn, sanıtaızerlerdiń jáne dezınfeksııalaý quraldary qorynyń bolýyn, úı-jaılardyń jeldetilýin qamtamasyz etý. Joǵaryda atalǵan talaptardyń buzylýy uıym qyzmetkerleri arasynda syrqattanýshylyqqa jáne kásiporyndardyń jumysyn toqtatýǵa ákep soǵady.
Almaty qalasy Sanıtarlyq-epıdemııalyq baqylaý departamenti basshysynyń orynbasary Sádýaqas Baıǵabylov qoǵamdyq kólikte áleýmettik qashyqtyq pen betperde rejimin saqtaýdyń mańyzdylyǵyn, sanıtaızerlerdiń bolýyn atap ótti.
«Qoǵamdyq kólikte shekteý karantındik sharalaryn buzǵany úshin betperde rejımin saqtamaıtyn jeke tulǵalarǵa 30 AEK mólsherinde aıyppul, al tasymaldaýshylarǵa shaǵyn, orta nemese iri bızneske tıesiligine qaraı aıyppul 230 AEK-ten 1600 AEK-ke deıin quraıdy», dedi S.Baıǵabylov.
Esterińizge sala keteıik, Almaty qalalyq SEBD málimetteri boıynsha, megapolıste 1 qańtardan bastap koronavırýstyq ınfeksııa aýrýynyń kún saıyn ósýi baıqalady. Búgingi kúni 20 myńnan astam jaǵdaı tirkelip, Almaty qalasy «sary aımaqqa» endi.
