Aımaqtar • 22 Qańtar, 2021

Eraly Toǵjanov Qordaı aýdanyndaǵy jumys barysymen tanysty

19 ret kórsetildi

Qazaqstan Respýblıkasy Premer-Mınıstriniń orynbasary Eraly Toǵjanov bastaǵan úkimettik delegasııa jumys saparymen Jambyl oblysynda boldy. О́ńirge sapary barysynda Qordaı aýdanyna barǵan Úkimet basshysynyń orynbasary áýeli Gvardeıskıı aýylyndaǵy bıologııalyq qaýipsizdik problemalary ǵylymı-zertteý ınstıtýty janyndaǵy bıofarmasevtıkalyq zaýyttyń qurylys barysymen tanysty.

Qordaı aýdanynyń Gvardeıskıı aýylynda ornalasqan bul zaýyt áleýmettik mańyzy bar juqpaly aýrýlarǵa qarsy elge qajetti bıopreparattar shyǵaratyn bolady. Atalǵan óndiris ornynda COVID-19, pandemııalyq tumaý, maýsymdyq tumaýǵa qarsy splıt-vaksınalar, týberkýlez, brýsellez, nodýlıarlyq dermatıt, kúıis qaıyratyn usaq janýarlardyń obasy, qoı men eshkiniń kontagıozdy ektımasy, qoı sheshegi, qutyrýǵa qarsy vaksınalar jáne basqa da preparattar daıyndalady.

Zaýyttyń tynys-tirshiligimen tanysqan Eraly Toǵjanov qurylystyń tehnologııalyq úderisi men óndiris jaǵdaılarynyń odan ári GMP standarttaryna sáıkestigin eskere otyryp, júrgizilýine nazar aýdarýdy tapsyrdy. Sondaı-aq, vıse-premer merdiger kompanııalardyń ǵylymı-zertteý ınstıtýty, densaýlyq saqtaý, bilim jáne ǵylym mınıstrlikteriniń basshylyǵymen tyǵyz qarym-qatynasta jumys jasaý kerektigin aıtty. Sonymen qatar, Eraly Luqpanuly qurylys alańynyń aýmaǵyndaǵy jobamen jáne zaýyt týraly negizgi óndiristik, tehnologııalyq málimettermen tanysty. О́ndiristik prosestiń maketi men shemasyn qarap shyqty.

Kezdesý barysynda Eraly Toǵjanovqa montajdaý jumystaryn aıaqtaý jáne iske qosý aǵymdaǵy jylǵy naýryz aıyna josparlanyp otyrǵany týraly málimet berildi. Qazirgi kezde qosalqy ǵımarattar men qurylystardyń, qazandyq, transformator jáne sorǵy stansııalarynyń, hlorlaý, sondaı-aq, energetıkalyq nysandardyń qurylysy aıaqtalǵan. Budan keıin úkimettik delegasııa bıologııalyq qaýipsizdik máseleleri ınstıtýtyna bardy. Atalǵan ınstıtýt 1958 jyldan beri jumys istep keledi eken. Búginde munda 214 adam eńbek etedi. Kezdesý barysynda ǵylymı mekemeniń basshysy, bıologııa ǵylymdarynyń doktory Kúnsulý Zakarııa ınstıtýttyń qyzmeti men jetistikteri, sondaı-aq COVID-19 vaksınasyn ázirleý boıynsha ǵylymı zertteýlerdiń nátıjeleri týraly aıtty.

Sondaı-aq, Premer-Mınıstrdiń orynbasary Eraly Toǵjanov ǵylymı-zertteý ınstıtýtynyń qyzmetkerlerine arnalǵan  60 páterli kópqabatty úıdiń qurylysymen tanysty. Búginde munda árleý jumystary, qasbeti pen shatyryn jóndeý jumystary júrgizilýde. Úshinshi jaılylyq klasyndaǵy páterlerdiń jalpy aýdany 3,6 myń sharshy metrdi quraıdy. Al, jaqyn mańda taǵy eki turǵyn úı men dene shynyqtyrý-saýyqtyrý ǵımaratynyń qurylysy josparlanǵan. Sonymen qatar, sporttyq nysannyń ekinshi qabatynda 150 oryndy akt zaly ornalasatyn bolady. Sondaı-aq, Eraly Toǵjanov bastaǵan úkimettik delegasııa Qordaı aýdany, Otar aýylyndaǵy sporttyq-saýyqtyrý kesheni men jańa avtomattandyrylǵan gaz taratý stansııasyna da baryp, olardyń jaı-kúıimen tanysty.

 

Jambyl oblysy

Sońǵy jańalyqtar

Tarbaǵataıdyń tańbaly tastary

Rýhanııat • Búgin, 08:01

Saýda ortalyǵyndaǵy ekpe kabıneti

Aımaqtar • Búgin, 07:56

Indettiń ekpini qatty

Aımaqtar • Búgin, 07:52

«Aǵam bar edi mir tildi...»

Rýhanııat • Búgin, 07:42

Armanǵa qanat baılaǵan...

Rýhanııat • Búgin, 07:35

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Uqsas jańalyqtar