Álem • 28 Qańtar, 2021

Norvegııa 29 qańtardan bastap shekarany jabady

15 ret kórsetildi

Norvegııanyń telegraf bıýrosy úkimettiń 29 qańtardan bastap shekarany jabý týraly sheshim qabyldaǵanyn málimdedi. Endi elden tek asa mańyzdy sebeppen ǵana shyǵýǵa bolady, dep habarlaıdy Egemen.kz

«Tájirıbe júzinde shekara Norvegııada turmaıtyndardyń barlyǵyna jabyq bolady», dep málimdedi eldiń premer-mınıstri Erna Sýlberg.

Úkimet basshysynyń aıtýynsha, óte mańyzdy taýarlar men qyzmetter burynǵysha Norvegııaǵa jetkizilip otyrady. Alaıda jańa erejege sáıkes «kóptegen eńbek mıgranty kelesi aptada elge kele almaıdy». Bul ereje eki aptadan keıin qaıta qaralady. Sebebi Norvegııada koronavırýs juqtyrǵandar sany táýligine 279 adamǵa artyp, 61 594-ke jetken.

Pandemııa kezinde indetten elde 550 naýqas qaıtys boldy. 3 mln-nan asa adam koronavırýstyń bar-joǵyn anyqtaıtyn test tapsyrsa da, 6 qańtar kúni 930 naýqas tirkeldi.

Elde koronavırýs juqtyrǵan alǵashqy adam byltyrǵy jyldyń aqpan aıynyń sońynda tirkeldi. 25 qańtardan bastap Norvegııa elge kirýge qoıylatyn talaptardy kúsheıtti. Endi elge kiretin adamdardyń barlyǵy saparynan kem degende 24 saǵat buryn tapsyrylǵan, koronavırýstyń joq ekenin dáleldeıtin taldaý nátıjesin kórsetýi qajet.

Aldyńǵy aqparattarda habarlaǵanymyzdaı, buǵan deıin Norvegııada koronavırýsqa qarsy alǵashqy vaksına bıyl sáýirde qoldanylýy múmkin ekeni habarlanǵan edi.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar