El Prezıdenti – QR Qarýly Kúshteriniń Joǵarǵy Bas qolbasshysy Qasym Jomart Toqaev qorǵanys vedomstvosyna júktegen mindetterinde jaýyngerlik tájirıbeni udaıy arttyrý qajettiligi damytýdyń basym baǵyttarynyń biri bolyp sanalady.
El Prezıdenti – QR Qarýly Kúshteriniń Joǵarǵy Bas qolbasshysy Qasym Jomart Toqaev qorǵanys vedomstvosyna júktegen mindetterinde jaýyngerlik tájirıbeni udaıy arttyrý qajettiligi damytýdyń basym baǵyttarynyń biri bolyp sanalady.
Áskerlerdiń jaýyngerlik ázirligin qaýyrt tekserýler aıqyn kórsete alady. Áskerı bólimderdi joǵary jaýyngerlik daıarlyqtyń deńgeıine keltirý qabiletin kórsetý jaýyngerlik oqý-jattyǵý mindetti oryndaý kezinde shtabtar men bólimshelerdiń úılesimdiliginen kórinedi. Ásker syrtqy qaýipterdi toıtarýǵa ǵana emes, sonymen birge jańa túrdegi soǵystardy júrgizýge de daıyn bolýy kerek.
Dabyl boıynsha kóterilgen Qurlyq áskerleriniń barlaý jáne baılanys bólimderi qalǵan áskerlerdiń bólimshelerine qatysty joǵary ázirlikte bolýǵa tıis.
– Qorǵanys mınıstriniń áskerı qyzmetshilerdi polıgondarda is-qımyl jasaýǵa úıretý talabyn oryndaı otyryp, bólimsheler áskerı-kólik avıasııasyn qosa alǵanda, ártúrli tásildermen jaýyngerlik oqý-jattyǵý mindetterin oryndaý aýdandaryna jiberildi.
«Bir barlaý polkin tekserý alǵash ret Qazaqstan Respýblıkasynyń ártúrli geografııalyq jáne klımattyq aımaqtaryndaǵy bes polıgonda uıymdastyryldy», - dep QR QK Bas shtabynyń bastyǵy general-leıtenant Murat Bektanov atap ótti.
Jaýyngerlik oqý-jattyǵý tapsyrmalarymen ózara baılanysty «Ońtústik» óńirlik qolbasshylyǵynyń barlaý bólimsheleri, tank jáne artıllerııalyq bólimsheleri dabylmen kóterilgen soń, «Mátibulaq» polıgonyna marsh jasap, belgilengen aýdandardy qorǵanysyna aldy. Qazirgi qaqtyǵystardyń tájirıbesin eskere otyryp, áskerlerdiń ómirsheńdigin arttyrý boıynsha is-sharalar uıymdastyryldy. Áskerler men basqarý pýnktterin búrkemeleý júrgizildi, jalǵan tirek pýnktteri men pozısııalar maketter men basqa da qolda bar quraldardy paıdalana otyryp jabdyqtaldy.
«Mátibulaq» polıgonynda ushqyshsyz ushý apparattarynyń eseptoby áýe barlaýyn júrgizdi. Ol jasyrynǵan nysandardyń 80 paıyzdan astamynyń derekterin anyqtap, naqty jáne jalǵan pozısııalardy anyqtady. Sondaı-aq artıllerııanyń atysyn retteýge baılanysty tapsyrmalardy oryndady.
Avıabazanyń ushý quramy barlaý polkiniń kózdeýshileri nysana kórsetkishterin jerden is júzinde baǵyttaı otyryp, «Qyzylaǵash» áýe polıgonynda jaýyngerlik ushýlardy jasady.
«Spassk», «Saryózek» jáne «Jetisý» oqý polıgondarynda barlaýshylar nysandarǵa barlaý júrgizdi. Áskerı topografııa, radıasııalyq, hımııalyq jáne bıologııalyq qorǵaý, baılanys, nuqsan keltirý isi, dene shynyqtyrý jáne áskerı-medısınalyq daıyndyq boıynsha normatıvterdi tapsyrdy. Avıasııalyq polıgonda olar is júzinde maıdandyq avıasııany nysanaǵa alyp, túngi shabýylǵa shyqty jáne shartty jaýdyń nysandaryna shabýyl jasady. Barlyq polıgondarda shtattyq qarýdan baqylaý atys jattyǵýlaryn oryndady.
Belgilengen aýdandarda baılanysshylar qysqa merzimde baılanys toraptaryn ornalastyrdy, bul ártúrli baǵyttarda jumys isteıtin áskerlerdi basqarýdy qamtamasyz etti. Bul ótkizilgen radıo jáne pysyqtalǵan normatıvterdiń nátıjelerimen rastaldy.
Polktiń shtaby turaqty ornalasý pýnktinen úlken qashyqtyqta jaýyngerlik oqý-jattyǵý tapsyrmalaryn oryndaıtyn bólimshelerdi josparlaý men basqarýdy oryndady.
Tekserý qorytyndysy boıynsha laýazymdy tulǵalarǵa jaýyngerlik jáne jumyldyrý ázirligi, áskerlerdiń bıylǵy jyly ótetin iri aýqymdy oqý-jattyǵýlarǵa sapaly daıyndyǵy máselelerin jetildirý boıynsha naqty mindetter qoıyldy.
