Kóldeneń sıkldi basqarý qurylymynyń marketıng bóliminiń jaýapty mamandary Erlan Birtalaev, Albına Beıkıtova, Aıjan Sagımbaeva, Janar Jaqsıbaeva, Nursultan Baqanov uıymdastyrǵan forýmǵa Almaty oblysy, Qapshaǵaı qalasynyń orta mektep gımnazııasy jáne Qyzylorda oblysy, Shıeli aýdanynyń №252 orta mektebiniń dırektorlary, oqý isi jónindegi orynbasarlary, muǵalimder, synyp jetekshileri, bitirýshi túlekter qatysty.
Kásiptik baǵdar berý - qoǵamnyń qajettiligine qaraı árbir oqýshynyń qabilettiligi men beıimdiligin eskere otyryp, kásipke qyzyǵýshylyǵyn qalyptastyrýǵa jáne bolashaq mamandyǵyn sanaly túrde tańdaýǵa kómektesýde, maqsatty atqarylatyn jumys. Kásiptik baǵdar berý jumysy jas urpaqtyń sanaly túrde bolashaq mamandyǵyn qatelespeı tańdaýǵa múmkindik jasaıdy.
Forýmda Abaı ýnıversıteti týraly vıdeorolık kórsetildi. Irgeli oqý ornynyń bilim men ǵylym salasynda jetken jetistikterine toqtalyp, suranysqa ıe mamandyqtar jaıly tolyqqandy maǵlumattar berildi. Kezdesý aıasynda oqýshylar mamandyqtar jaıynda aqyl-keńester, kerekti aqparattar aldy.
ALMATY
