15 jyldan beri dánekerleýshi bolyp eńbek etetin Talǵat qazir qyzyǵýshylyǵy men mamandyǵyn ushtastyryp erekshe músinder jasaýmen aınalysýda.
– Eń alǵashqy jasaǵan músinim – búrkit. Qolymnan keletinin baıqap, odan ári jylqy jáne basqa da músin jasadym. Erekshe jumysym – jylqynyń músini. Erekshe bolatyn sebebi – jylqy músininiń temir saqınalardan (shaıba) jasalýynda. Oǵan bir jyl ýaqyt ketti. Alǵashynda oılanyp júrdim, keıin temir saqınalardy jınadym. Músindi jalpy qurastyryp qoıdym. Jylqy músinine barlyǵy 11 251 dana temir saqına ketti, – deıdi dánekerleýshi Talǵat Ýálıev.
Talǵat Ýálıev óziniń bir jumysyn Teńge aýylynyń 55 jyldyǵyna arnady. Daıyndalýy alty aı ýaqytty alǵan músin Teńge aýylynyń ortalyǵyna ornalastyryldy.
Talǵat sheber bolsa shyǵarmashylyǵyn damytyp, tańǵalarlyq músinderdi daıyndaýdy kózdep otyr.
Mańǵystaý oblysy
