Buǵan deıin bes jylǵa jýyq Qazyǵurt aýdanyn basqarǵan T.Telǵaraev 1973 jyly týǵan, bilimi joǵary, mamandyǵy – ınjener-mehanık, ekonomıst-qarjyger. Eńbek jolyn Shymkentte qurylysshy bolyp, al memlekettik qyzmetti 1997 jyly Ońtústik Qazaqstan oblysy aýmaqtyq jekeshelendirý komıteti memlekettik aksııa paketter jáne memlekettik qatysý úlesi bóliminiń bas mamany retinde bastaǵan. Ár jyldary oblystyq kommýnaldyq menshik, oblystyq qarjy, jumyspen qamtýdy úılestirý jáne áleýmettik baǵdarlamalar departamentterinde bólim bastyǵy bolǵan, sondaı-aq Ońtústik Qazaqstan oblysy qarjy basqarmasy basshysynyń orynbasary qyzmetin atqardy.
Tólebı aýdany aktıvine, depýtattarǵa jańa taǵaıyndalǵan ákimdi tanystyrǵan oblys ákimi О́mirzaq Shókeev erekshe nazar aýdadar birqatar baǵyttardy atap ótti. Al aýdandyq ardagerler keńesiniń tóraǵasy Átirhan Shyńǵysbaev óńirdiń erekshelikterine toqtala kele, Telǵaraevtyń elimizdiń táýelsizdigi jyldary, ıaǵnı sońǵy otyz jyl ishinde aýdandy basqarýǵa kelgen on birinshi ákim ekenin aıtty. О́z kezeginde Tólegen Turtaıuly senim bildirgen oblys basshysyna alǵysyn bildire otyra, aýdandy damytýda alǵa qoıylǵan mindetterdi oryndaýda bar kúsh - jigerin jumsaıtynyn jetkizdi.
Aıta ketelik, aýdandy buǵan deıin basqarǵan Baýyrjan Omarbekov Prezıdent Ákimshiliginiń memlekettik ınspektory qyzmetine taǵaıyndalǵan bolatyn.
