Túrkistannyń brendine aınalatyn negizgi jobalardyń biri – «Kerýen saraı» naýryz aıynyń aıaǵynda paıdalanýǵa beriledi. Jıyrma gektardan astam aýmaqta ornalasqan kópfýnksıonaldy týrıstik keshende kınoteatr, shyǵys bazary, amfıteatr, halyqaralyq deńgeıdegi qonaqúıler, meıramhanalar, jasandy kól bar. Turǵyndardyń ıgiline qyzmet kórsetetin biregeı jobada kóne shahardyń kórinisi saqtalǵan. Memlekettik-jekemenshik áriptestik aıasynda «Sembol construction» túrik kompanııasy qolǵa alǵan keshen halyqaralyq talaptarǵa saı salynýda.
Oblys basshysy aralaǵan qonaqúılerde 100-den astam bólmeler, demalys aımaǵy, fıtnes ortalyqtary ornalasqan. Qurylysqa 500-den astam jumysshy jumyldyrylǵan. Sondaı-aq О́.Shókeev Iаsaýı murajaıynda boldy. Úsh qabatty nysannyń qurylysy tolyq aıaqtalyp, ishki jumystaryna bilikti dızaınerler tartylǵan. Týrızmdi túletýge basymdyq berilgen Túrkistannyń rýhanı-mádenı ortalyǵynda, kesene mańynda boı kótergen záýlim ǵımarattyń jalpy aýdany – 3 myń sharshy metr. Keleshekte munda 100 adam jumyspen qamtylmaq.
