Bıyl aýdannyń týrıstik ındýstrııasynyń qazirgi jaǵdaıyna zertteý jáne túgendeý jumystaryn júrgizý maqsatynda jergilikti bıýdjetten 10 mln teńgeden asa qarjy qarastyrý josparlanyp otyr.
Saryaǵash aýdanyna ótken jyly 85 myń týrıst kelgen. Týrısterge 50-den astam emdik saýyqtyrý, balalar shıpajaılary, balalar saýyqtyrý lageri, golf klýby, 21 qonaq úı qyzmet kórsetedi. Byltyr týrızmdi damytý maqsatynda jalpy quny 378 mln teńge bolatyn tórt nysan iske qosylyp, 60-qa jýyq jańa jumys orny ashylǵan. Aýdan ákimi Muhıt Otarshıevtiń aıtýynsha, byltyr 22 mlrd teńgege jýyq ınvestısııa tartylsa, ol mejeni bıyl 25 mlrd teńgege jetkizý kózdelip otyr. Sonymen qatar aýdanda birqatar jańa jobalardy iske qosý josparlanǵan. Atap aıtsaq, jumyrtqa qorabyn shyǵaratyn seh pen mıneraldy sý quıý zaýytyn iske qosý qarastyrylýda. Sondaı-aq 30 shaǵyn jáne orta kásipkerlik nysandaryn iske qosyp, 3 mlrd teńge kóleminde ınvestısııa tartý josparda bar. Budan ózge «Qarapaıym zattar ekonomıkasy» baǵdarlamasy aıasynda 25 jobaǵa qoldaý kórsetilmek.
