Qaraǵandy oblysynyń Aqtoǵaı aýdanynda sırep bara jatqan maraldy ósirý qolǵa alyndy. Bul týraly «24 kz» habarlady.
Byltyr «Aqtoǵaı mal ónimderi» sharýashylyǵynyń basshysy Erjan Qydyrberlın elimizdiń shyǵys óńirinen maraldyń 23 analyǵyn jetkizip, qoryqqa jibergen eken. Jyl ishinde onyń sany 35-ke jetipti. Keleshekte túz taǵysy sanyn onan ári kóbeıtýdi maqsat tutyp otyr. Jalpy, dúnıe júzinde maral ósirý boıynsha Jańa Zelandııa aldyńǵy orynda tur. Odan keıin osy isti júıeli jolǵa qoıǵan Qytaı, Kanada, Reseı, Koreı elderin atap ótýge bolady. «Maraldardy 3-4 jyldan keıin óz erikterine jiberemiz. Bilýimizshe, maral múıizinen alynatyn «panta» osydan úsh myń jyl buryn tıbettik medısınada keńinen qoldanylǵan eken. Qazir de ol úlken suranysqa ıe»,-deıdi «Aqtoǵaı mal ónimderi» sharýashylyǵynyń basshysy Erjan Qydyrberlın.
Sharýashylyq basshysy maral ósirýde onyń halyq úshin qajettiligine basa mán berdi. О́ıtkeni, maral múıizinen alynatyn «panta» júrek-qan tamyrlary aýrýyna, isik jaralaryna jáne basqa da syrqattarǵa myń da bir em eken. Osy tusta sharýashylyqtyń jylqy ósirýmen de shuǵyldanatynyn atap ótkimiz keledi. Jylqylardy sharýashylyq basshysy Italııa, Germanııa elinen aldyrǵan.
Baqytbek Keneshuly.
Derekkóz: «24 kz»
Foto: Priroda sibirl.ru
