Elimizdegi eń jańa, ekologııalyq turǵydan taza, eń qaýipsiz ári kórkem stansalary bar, qoǵamdyq kóliktiń túri Almaty metrosy bolyp tur. Keshe almatylyq metro ESQR-dyń (Sapany zertteýdiń Eýropalyq qaýymdastyǵy) «Platinum» kategorııasyndaǵy kýbogy men dıplomyna ıe boldy.
Elimizdegi eń jańa, ekologııalyq turǵydan taza, eń qaýipsiz ári kórkem stansalary bar, qoǵamdyq kóliktiń túri Almaty metrosy bolyp tur. Keshe almatylyq metro ESQR-dyń (Sapany zertteýdiń Eýropalyq qaýymdastyǵy) «Platinum» kategorııasyndaǵy kýbogy men dıplomyna ıe boldy.
Osylaısha kezekti ret elimizdegi eń jas metro dızaıny jaǵynan álemdegi eń ádemi, eń sapaly metropolıtenderdiń qataryna kóterildi. Buǵan deıin de almatylyq jerasty kóligi bıylǵy shilde men jeltoqsan aılarynda «Sapany úzdik paıdalanýdyń Eýropalyq marapaty nomınasııasy boıynsha eki ret júldeger atanǵan bolatyn.
Keshe osy aıtýly oqıǵaǵa oraı, Almaty qalasynyń ákimi Ahmetjan Esimov «Metropolıten» ujymyn nagradamen quttyqtady. Qala basshysy halyqaralyq deńgeıdegi bul marapat metropolıten ujymyn jańa tabystarǵa bastaýy tıis dedi. Ákim eki jyl ishinde jerasty kóliginiń qalalyqtar kóńilinen shyqqandyǵyn aıtty.
«Eń bastysy – jolaýshylar úshin jaıly, qolaıly, qaýipsiz. Kún saıyn metrony 24 myńnan astam adam paıdalanady. Eki jyl ishinde 13 mıllıon adam tasymaldandy, shyǵyndardy eseptemegende 1 mıllıard teńge kiris kirdi. Bul jaqsy kórsetkish, biraq jolaýshylar tasymaly ózge qoǵamdyq kólik arqyly da júzege asýda», – dedi Ahmetjan Esimov.
Almaty metrosynda 7 stansa bar, 2014 jyly taǵy da 2 stansany iske qosý josparlanǵan. ESQR jetekshileriniń málimdeýinshe, halyqaralyq uıymnyń arnaýly jýrnalynyń jeltoqsan aıyndaǵy nómiri Almaty metropolıtenine arnalmaq. Eýropa tórinde jaryq kóretin basylymda metromyzdyń sáýleti saltanat quratyn bolady.
Aınash ESALI,
«Egemen Qazaqstan».
ALMATY.
