Keshki qarańǵylyq túsken saǵat jeti shamasynda Mnogosvetnoe aýyly mańynda onyń aldynan bir tabyn jylqy shyǵa kelgen. Onyń birnesheýi jolǵa shyǵyp ketken. Júrgizýshi birden áreket etip úlgermeı, jylqylardyń birimen soqtyǵysyp qalady. Adam da, jylqy da aman, biraq avtokólikke mehanıkalyq zaqym keltirildi. Qymbat mashınanyń aqaýyn jóndeýdiń ózi shamamen bir jylqynyń qunyna teń. Sondyqtan júrgizýshi tabyn ıesin anyqtaý maqsatymen polısııaǵa habarlasqan.
Oqıǵa ornyna jetken ýchaskelik polısııa ınspektory jylqy tabynynyń ıesi aýdan ortalyǵynyń 59 jasar turǵyny ekenin anyqtady. Mal baǵý erejesin buzǵany úshin endi oǵan qatysty ákimshilik materıal jınalady.
