"QR memlekettik qyzmeti týraly" Zańǵa sáıkes Mádenıet basqarmasynyń burynǵy basshysyna qatysty úkim shyqqannan keıin osy basqarmaǵa jetekshilik etetin ákim orynbasary otstavkaǵa ótinish bergen. B. Máken jetekshilik etetinderdiń qatarynda bilim berý, din, jastar saıasaty, halyqtyń áleýmettik osal toptarymen jumys sekildi áleýmettik mańyzdy salalar bar ekenin atap ótken jón.
Ákim orynbasary taǵaıyndalǵannan beri úlken jumys atqaryldy jáne jetekshilik etetin salalardaǵy negizgi ındıkatorlar jaqsartyldy: úsh aýysymdy mektepter sany eki esege – 8-den 4-ke deıin, oqýshy sany kóp mektep sany 22-den 14-ke deıin qysqartyldy. Pandemııa kezinde qysqa merzimde jedel shtab qurylyp, 43 myńnan astam adam áleýmettik kómek aldy. Áleýmettik az qamtylǵan azamattardy qoldaý úshin tıisti áleýmettik ortalyqtar ashyldy, onda olar "bir tereze" qaǵıdaty boıynsha kómek ala alady, sondaı-aq qosymsha bilim alyp, keıinnen jumysqa ornalasýyna múmkindik qarastyryldy.
Budan basqa, PTR-zerthanalardyń sany 1-den 23-ke deıin ulǵaıtyldy, al test nátıjesiniń ýaqyty 4-5 kúnnen 4 saǵatqa deıin qysqartyldy. Sondaı-aq, jumys oryndaryn qurý jáne eriktilerdi qoldaý sekildi ózge de úlken is júrgizildi.
Áleýmettik salada júrgizilip jatqan jumystardyń joǵary tıimdiligi men nátıjeliligin, sondaı-aq qylmystyq iske esh qatysy joq ekeni eskerile otyryp, B.Mákenniń qyzmetinen ketý týraly ótinishi qabyldanǵan joq. Alaıda oǵan qatań sógis jarııalandy.
