«Qazirgi kezde ekologııalyq jáne sanıtarlyq talaptarǵa sáıkes kelmeıtin polıgondardyń jaǵdaıy mańyzdy máselelerdiń biri bolyp otyr. Mınıstrlik el boıynsha aýdandyq jáne oblystyq ortalyqtar úshin qajetti polıgondardyń sanyna taldaý júrgizdi. Esepteýler boıynsha ortalyqtarda 110 polıgon istep tur. Bul rette, birinshi kezeńde qalalar men iri aýdandarda úsh jylda keminde 84 polıgon salý kerek», Pirimqulov.
Onyń aıtýynsha, 6 qalada qoqys jaǵatyn zaýyt salý josparda bar (Nur-Sultan, Almaty, Shymkent, Atyraý, Taraz, Aqtóbe). Osy oraıda basqa da qalalar bul josparǵa qyzyǵýshylyq tanytyp otyr.
«Bıyldyń birinshi jartyjyldyǵynda aýksıon ótkizý jáne energııa óndirýshi uıymdardyń tizbesin qalyptastyrý, al ekinshi jartyjyldyqta qorytyndy shyǵarý eskerilgen», dedi vıse-mınıstr.
Qaldyqtardyń jınalýyn azaıtý úshin WASTE TO ENERGY tehnologııasymen qaldyqtardy energetıkalyq kádege jaratý engiziledi. Qoqys órtelip, elektr qýaty óndiriledi jáne ol jalpy elektr jelisine satylady. Budan buryn habarlanǵandaı, 2020 jyly 1 022 ekologııalyq tekserý júrgizildi.
Tekserister sanynyń azaıýy eldegi karantınge baılanysty. Tekserý nátıjeleri boıynsha 2 875 zań buzýshylyq anyqtaldy. Olardy joıý týraly 1 966 nusqama berilip, sonyń 1540-y oryndaldy.
