Oqıǵa ornyna Respýblıkalyq jedel-qutqarý jasaǵynyń, Apattar medısınasy ortalyǵynyń, Almaty qalasynyń qutqarý qyzmetiniń 5 izdestirý-qutqarý jasaǵy, onyń ishinde 2 kınologııalyq esep, sondaı-aq «Shymbulaq» TShK qutqarýshylary dereý jiberildi.
Izdestirý-qutqarý jumystaryn úılestirý úshin oqıǵa ornynda QR TJM aýmaqtyq bólimshelerdiń qutqarýshylary, «109 qutqarý qyzmeti», medısınalyq qyzmetter men Almaty qalasy ákimi apparatynyń qatarynan Almaty qalasy TJD jedel shtaby quryldy. TJ jáne dúleı zilzalalardyń qaýpin azaıtý jónindegi ortalyqtyń ónerkásiptik ushqyshsyz ushý apparaty iske qosyldy.
Qazavıaqutqarý KA-32 áýe borty (tuman, ýaqytsha ushý múmkindigi joq) ázirlikte tur.
Birinshi kúnnen bastap izdestirý jumystary qalyń tuman, qatty jel, dymqyl qar, nóldik kóriný jaǵdaıynda júzege asyryldy. Qutqarý jumystary 3200 m astam bıiktikte, kóshkin qaýpi joǵary aýmaqta júrgizilýde.
Jedel-qutqarý toptary Shymbulaq shyńyn, janasyp jatqan jotany, Shymbulaq ózeni boıyndaǵy shatqaldy, sondaı-aq Bogdanovıch muzdyǵynyń aýdanyn jáne Talǵar asýyn qarap shyqty. Osylaısha, jaqyn mańdaǵy eldi mekenniń barlyq jaǵynan izdestirý jumystary júrgizilýde. Aýa raıynyń qolaısyzdyǵyna jáne kóshkin qaýpine qaramastan, qutqarý jumystary toqtatylmaıdy.
Er adam óziniń ornalasqan jerin jibere almaýyna baılanysty, Almaty qalasy TJD qosymsha Bılaın jáne Tele-2 uıaly operatorlaryna sońǵy geolokasııany anyqtaý boıynsha suraýlar joldady. Nátıjeleri boıynsha sońǵy is-qımyldyń kúni men ýaqyty 2021 jylǵy 11 aqpan saǵat 18:29-da Beeline uıaly baılanys operatory arqyly «Shymbulaq» bazasy tirkeldi.
Qazirgi ýaqytta izdestirý-qutqarý jumystaryna jeke quramnyń 60-tan astam adamy, TJM, RJQJ, AMO, QQ aýmaqtyq bólimsheleriniń 11 tehnıkasy jumyldyryldy. Jaqyndarynyń aıtýy boıynsha joǵalǵan azamat kók kúrte, sur bas kıim men báteńkede bolǵan.
