Ol 2019 jyly áıelin uryp, densaýlyǵyna aýyr zııan keltirgeni úshin tórt jyl merzimge bas bostandyǵyn shekteý túrindegi jazaǵa sottalǵan. 2019 jyldan bastap aýyr qylmys jasaǵany úshin Glýbokoe aýdanynyń probasııa qyzmetiniń esebine qoıylǵan.
– Osy ýaqytqa deıin 60 jastaǵy azamatta týý týraly kýálik pen áskerı bıletten basqa, onyń jeke basyn kýálandyratyn qujattary bolǵan joq, óıtkeni ol 2000 jyldardyń basynda 1975 jylǵy úlgidegi pasportyn joǵaltyp alǵan. 2020 jyldyń maýsym aıynda sottalǵan azamat probasııa qyzmetine qujattandyrý túrindegi áleýmettik-quqyqtyq kómek kórsetýdi surap júgindi. Mán-jaıdy anyqtaý barysynda atalǵan azamattyń 1993 jyldan 2003 jylǵa deıingi kezeńde Reseı Federasııasynda turý faktisi anyqtaldy. Osyǵan baılanysty oǵan kóshi-qon qyzmetkerlerine Reseı Federasııasynyń konsýldyǵynan Reseı azamattyǵynyń bolýy nemese bolmaýy týraly anyqtama usyný qajet boldy, – dedi ShQO boıynsha QAJD bastyǵy Janbolat Qaletaev.
– Maǵan RF konsýldyǵynan anyqtama alý jáne suraý salý jiberý úshin 70000 teńge mólsherinde memlekettik baj tóleý qajet ekenin aıtty. Mende ondaı aqsha bolǵan joq. О́ıtkeni, men jaldanyp jumys isteımin, kúndelikti tamaqqa ǵana aqsha tabamyn, – dedi sottalǵan azamat.
Probasııa bóliminiń qyzmetkerleri Adam quqyqtary men zańdylyqty saqtaý jónindegi qazaqstan halyqaralyq bıýrosynyń Shyǵys Qazaqstandaǵy fılıalynyń qyzmetkerlerine habarlasyp, olar memlekettik baj salyǵyn tóleýge kómektesti. Alaıda, koronovırýstyq ınfeksııaǵa baılanysty anyqtama berý jáne alý prosesi 2020 jyldyń qarashasyna deıin sozyldy. Atalǵan azamatta Reseı azamattyǵynyń joqtyǵy týraly anyqtama alǵannan keıin, 2020 jyldyń jeltoqsan aıynyń sońynda onyń qujattary jeke kýálik resimdeýge jiberildi.
– Maǵan jeke kýálik berilgenine óte qýanyshtymyn. Endi resmı túrde jumysqa ornalasa alamyn, zeınetaqy aýdarymdarym bolady. Men endi medısınalyq mekemege tirkeýge turamyn, buryn JSN bolmaǵandyqtan tirkele almadym. Buǵan deıin maǵan eshkim kómektesken joq, probasııa qyzmetkerlerine kómekteri úshin úlken rahmet aıtamyn, – dedi sottalǵan azamat.
