О́ńirlik kommýnıkasııalar qyzmetinde ótken brıfıngte oblystyq jolaýshylar kóligi jáne avtomobıl joldary basqarmasynyń basshysy Rolan Ibragımov bıyl jergilikti mańyzy bar avtomobıl joldarynyń jaqsy jáne qanaǵatty jaǵdaıdaǵy úlesin 79 paıyzdan 81,4%-ǵa arttyrý kózdelip otyrǵanyn málimdedi. Oblysta avtomobıl joldary men eldi meken kósheleriniń jalpy uzyndyǵy 17 286,6 shaqyrymǵa jetken.«О́tken jyly jalpy 868 nysan nemese 1 974,8 shaqyrym jol men eldi meken kósheleri qurylys-jóndeý jumystarymen qamtyldy. Jyl qorytyndysymen 828 nysan, tıisinshe 1 525,4 shaqyrym jol paıdalanýǵa berildi. Budan ózge, byltyr oblystyq mańyzy bar avtomobıl joldarynyń boıyna 16 shaqyrym – velojol, 110,2 shaqyrym – aıaqjol, 4 621 dana jaryq shamdar ornatyldy», dedi basqarma basshysy.
Sonymen qatar Maqtaaral aýdanynda oryn alǵan tótenshe jaǵdaı saldarynan sý basqan 47,6 shaqyrym jol men 4 kópirge, al Tólebı aýdanynda jaýǵan jaýyn saldarynan zaqymdanǵan 14 shaqyrym jol men sý shaıyp ketken 3 kópirgejóndeý jumystary júrgizilip, qalpyna keltirilgen.
Túrkistan oblysy
