Aımaqtar • 16 Aqpan, 2021

О́mirzaq Shókeev: Jol kartasy oblystaǵy ózekti máselelerdi sheshedi

36 ret kórsetildi

Túrkistan oblysynda 2025 jylǵa deıin 111 medısınalyq nysan, 266 mektep, 15 balabaqsha, 236 sport, 27 mádenıet nysany salynady. Bul jobalardyń júzege asyrylýyna Nur Otan partııasynyń fraksııasy tikeleı atsalysady. Bul jóninde Nur Otan partııasy Túrkistan oblystyq máslıhatyndaǵy fraksııa otyrysynda aıtyldy.

Jıynda partııanyń «О́zgerister joly:  Ár azamatqa laıyqty ómir!»  saılaýaldy baǵdarlamasyn oryndaý jónindegi jol kartasy talqylandy. Oblys ákimi, partııa fılıalynyń tóraǵasy О́mirzaq Shókeev jol kartasynda aımaqtaǵy eń ózekti máseleler men josparlar qamtylǵanyn atap ótti. Qujatqa 26 kórsetkish pen 128 is-shara engizilgen. «Búgin saılaýaldy baǵdarlamany júzege asyrýdyń «Jol kartasy»usynylyp otyr.  Bul – Memleket basshysynyń tikeleı baqylaýynda turǵan tapsyrma. Sondyqtan saılaýaldy baǵdarlamany sapaly ári ýaqtyly atqarý qajet. Jol kartasyn júzege asyrý barysynda 5 jylda oblysta 40 myńǵa jýyq jańa jumys orny ashylady. 152 jańa kásiporyn ashý jáne keńeıtý arqyly shaǵyn jáne orta bıznes sýbektileriniń sany 350 myńǵa jaqyndaıdy. Aýyl sharýashylyǵyn qoldaý kúsheıip, 53 ferma, 900 mal bordaqylaý alańy qurylady. Bes jylda 21 myńnan astam páter el ıgiligine beriledi. «Jol kartasy» oblystaǵy eń ózekti máselelerdi sheshedi. Partııalastarǵa, jergilikti jaýapty basshylarǵa osy tapsyrmalardy júıeli oryndaýdy tapsyramyn», dedi О́mirzaq Shókeev.

Al oblystyq strategııa jáne ekonomıkalyq damý basqarmasy basshysynyń mindetin atqarýshy Kúmisbek Japparov «Jol kartasyndaǵy» negizgi ındıkatorlar men josparlardy baıandady. Eldiń usynys-tilekteri eskerilgen qujatta Nur Otan partııasynyń 2021-2025 jyldarǵa arnalǵan saılaýaldy baǵdarlamasyna sáıkes, aýyl sharýashylyǵy, týrızm, ınvestısııa tartý, aımaqtardy órkendetý, densaýlyq saqtaý, bilim, ınfraqurylym, qurylys salalaryn damytý, jańa jumys oryndaryn ashý baǵyttaryna basymdyq berilgen. Sonymen birge Túrkistan qalasyn túrki áleminiń rýhanı-mádenı ortalyǵyna aınaldyrý mindeti de kórinis tapqan. Partııanyń oblystyq fılaly tóraǵasynyń birinshi orynbasary, fraksııa jetekshisi Beısen Tájibaevtyń baıandaýynsha, fraksııadaǵy 37 depýtatqa jol kartasynyń salalary boıynsha naqty mindetter júktelgen. «Osy jospar negizinde oblystyń árbir aýdan, qalasyn, eldi mekenderin jan-jaqty damytý kózdelip otyr. «Jol kartasynyń» árbir tarmaǵyna jaýapty depýtattar bekitilgen»,  dedi Beısen Dáýletuly.

Májiliske qatysqan fraksııa músheleri partııanyń saılaýaldy baǵdarlamasyn júzege asyrýǵa arnalǵan jol kartasyn biraýyzdan qoldap, oblystyq Saıası keńes bıýrosyna bekitýge usyndy.

 

 

Túrkistan oblysy

Sońǵy jańalyqtar

8 óńirde qolaısyz meteojaǵdaı kútiledi

Aýa raıy • Búgin, 09:41

Elorda oqýshylary qashyqtan oqıdy

Qoǵam • Búgin, 09:24

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

Uqsas jańalyqtar