«Kóktem maýsymyndaǵy sý tasqynyna qarsy is-sharalar josparyna» jáne «Sý tasqyny qaýpiniń aldyn alý jáne joıý boıynsha is-sharalar kesheni» jol kartasyn júzege asyrýǵa sáıkes kózdelgen sharalar egjeı-tegjeıli tekseriledi. Shyǵys Qazaqstan aýdandaryndaǵy sý tasqynyn boldyrmas úshin jaǵalaýdy bekitý jáne bógetterdiń túbin tereńdetý,jóndeý, arnany túzetý jáe ózge de jumystardy tekseriledi.
Sonymen qatar komıssııa sý tasýy kezinde azamattardy ýaqytsha ornalastyrý oryndarynyń daıyndyǵyn, JJM qory, ınertti materıaldar men tehnıkanyń jaǵdaıyn da qadaǵalaıdy.
Tasqyn qaýipti oryndardy tekserý nátıjesi boıynsha komıssııa «úlken sýdyń» qaýpin barynsha azaıtý boıynsha usynystar beredi.
«Kazgıdromet» RMK fılıalynyń aqparaty boıynsha Shyǵys Qazaqstandaǵy qar jabynynyń bıiktigi 7-den 56 sm deıin.
Shyǵys Qazaqstanda kópjylǵy sınoptıkterdiń boljamyna sáıkes oblysta ózenderdiń tasýy ádette naýryzdyń ekinshi onkúndiginenbastap maýsymnyń ekinshi jartylysyna deıin jalǵasady. Sý deńgeıiniń kóterilý qarqyndylyǵy jáne betkeılerde qar erýi aýa temperatýrasynyń kúrt joǵarylaýyna jáne jaýyn jaýýy sebepten artýy múmkin.
Jaqyn kúnderi ShQO ákimdiginde tótenshe jaǵdaılar komıssııasynyń otyrysy bolady, onda tasqynǵa qalaı qarsy turý boıynsha barlyq negizgi máseleler qarastyrylady.
