Onyń mindeti – spektakldiń kórkem obrazyn jasap, qundy, júıeli dúnıe shyǵarý. Osyndaı qazaq ónerinde ózindik aıryqsha qoltanbasy bar, talantty sýretshilerdiń biri - Jumat Shanın atyndaǵy Shymkent qalalyq akademııalyq qazaq drama teatrynyń bas sýretshisi Qaltóre Jumaqulov.
О́ner ıesi 1984 jyldan beri osy teatrda Bas sýretshi qyzmetin atqaryp keledi. Eńbek jolynda ol 200-den asa qoıylymdardyń sahnalyq tulǵalyq sheshimderin jasady, onyń ishinde shetel klassıkteriniń de shyǵarmalary bar.
Ol «Shymkent 2020 – TMD elderiniń mádenı astanasy» jyly aıasynda ótken aıtýly úlken is sharalarda merekelik keshterdiń sahnalyq dekorasııalardyń eskızin jasap, kórkem deńgeıde ótilýine súbeli úles qosty. Árbir saltanatty, respýblıkalyq jáne qalalyq deńgeıdegi merekelik is-sharalardyń jurtshylyqtyń kóz aldynda qalar tusy sahnalyq dekorasııanyń kórkem deńgeıde bolýy desek, oǵan Qaltóre Jumaqulovtyń da qosqan úlesi mol. Taǵdyryn teatrmen toǵystyrǵan sýretshiniń mádenıet salasyna qosqan úlesi úshin 2020 jyly Qazaqstan Respýblıkasynyń Prezıdenti Qasym-Jomart Toqaevtyń jáne Shymkent qalasynyń ákimi Murat Áıtenovtyń Alǵys hattarymen marapattalǵan.
QR Mádenıet qaıratkeri eńbek jolynda Orta Azııa respýblıkalarynyń arasynda ótken halyqaralyq teatr festıvalinde «Eń úzdik sýretshi» nomınasııasyn jeńip alsa, «Túrksoı-2017» halyqaralyq teatr festıvalinede «Úzdik sýretshi» bas júldesin ıelendi.
Ssenograf – sýretshi qoıylymnyń kórkemdik beınesiniń jobasyn jasaıdy, ıaǵnı ssenografııasyn. Ssenograf–sýretshi sahnany bezendirý arqyly qoıylymnyń ishki oıyn jetkizedi. Ssenografııa – dekorasııa, kıim, grım, sahnalyq jaryqty qamtıdy.
Qaltóre Jumaqulov ul-qyz ósirip, nemere súıip otyrǵan ónegeli otaǵasy, qadyrmendi ata, aıaýly jar. Ujymda qurmetke bólengen, Ońtústik ólkesinde syıly azamat.
Aıta keteıik, qazaq teatr óneriniń qara shańyraqtarynyń biri – Jumat Shanın atyndaǵy Shymkent qalalyq akademııalyq qazaq drama teatrynda ótken jyly 6 premera sahnalanǵan.
