Qalalyq jasyl ekonomıka basqarmasynyń habarlaýynsha, onlaın – karta ekologııalyq jaǵdaı jónindegi barlyq málimetti biriktirgen dınamıkalyq platforma. Monıtorıngtik stansalar árbir 20 mınýt saıyn onlaın rejimde aýanyń jaǵdaıy týraly aqparattyq júıeni iske qosyp otyrady. Mundaǵy kórsetkishter grafıkter jáne sandyq derekter túrinde beriledi. Barynsha ruqsat etilgen konsentrasııa ındıkatorlarynyń dınamıkasy da kórsetiledi.
Stansalar atmosferadaǵy lastaýshy zattardyń kólemin, sondaı-aq ylǵaldylyq, temperatýra, qysym, jeldiń baǵyty men jyldamdyǵyn ólsheıdi. Kezeńniń ortasha mánderi jáne ortasha kúndik kórsetkishteri esepteledi. Jobanyń maqsaty – qarapaıym azamattarǵa, sarapshylar men mamandarǵa onlaın formatta málimetter berý. Sonymen qatar jınaqtalǵan kórsetkishter boıynsha aýa sapasynyń jáne basqa parametrlerdiń ózgerýin boljaýǵa múmkindik beretin málimetter bazasy qurylady.
Qazirgi tańda qalada aýa sapasyna monıtorıng júrgizetin 10 stansa bar. LED-ekrandarǵa aqparattardy shyǵarý jáne málimetter bazasyna kórsetkishterdi berý úshin onlaın monıtorıngtiń taǵy 10 datchıgi iske qosylyp, jumys barynsha sapaly júrgiziledi degen úmit bar.
