О́tken jyldy qorytyndylap, halyq aldynda esep bergen oblys ákimi О́mirzaq Shókeev osyndaı derekter keltirdi. Ekonomıkanyń basty kórsetkishi bolyp tabylatyn jalpy ónerkásip ónimniń kólemi ótken jyly 535,2 mlrd teńge bolyp, oblysta 258 mlrd teńgeniń ónimi óndirilgen. О́ńirde jumys istep turǵan shaǵyn jáne orta kásipkerlik sýbektileriniń sany 141 myńǵa jetip, sońǵy 2,5 jylda olardyń sany 14 myńǵa ósken. Osy salada 218 myń adam jumyspen qamtylǵan. Bul sektorda 555 mlrd teńgeniń ónimi óndirilip, ótken kezeńmen salystyrǵanda 15,6%-ǵa ulǵaıdy. «Qarapaıym zattar ekonomıkasy» baǵdarlamasy sheńberinde jalpy somasy 29 mlrd teńge bolatyn 287 joba qarjy ınstıtýttarymen qarjylandyrylǵan.
«Bul baǵdarlamany júzege asyrýda óńirler arasynda kósh bastap turmyz. Kásipkerlerdiń óndiristik qýatyn qoldaýǵa baǵyttalǵan «Bıznestiń jol kartasy 2025» memlekettik baǵdarlamasynyń bıýdjeti 23%-ǵa ulǵaıyp, 2,9 mlrd teńgege jetti. Nátıjesinde 400-ge jýyq kásiporynǵa qoldaý kórsetilip, qarjylandyryldy. Bıznes-ahýaldy jaqsartý men qoldaý maqsatynda oblysymyzda «Bızneske arnalǵan Úkimet» biryńǵaı servısi iske qosylyp, jumys isteýde. Kásipkerlerge 33 myńnan astam qyzmet túrlerin kórsetip, 1 myńnan astam bıznes josparlardyń 78%-y qarjylandyrý deńgeıine deıin súıemeldendi. Nátıjesinde, oblysymyz 2020 jyldyń qorytyndysymen «Bıznesti júrgizý jeńildigi» reıtıngi boıynsha respýblıkada 1 oryndy ıelenip, bıznesti júrgizý boıynsha úzdik óńir bolyp atandy», dedi О́mirzaq Shókeev.
Bıyl «Bıznestiń jol kartasy 2025» jáne «Qarapaıym zattar ekonomıkasy» baǵdarlamalary arqyly kásipkerlik sýbektilerin 70 mlrd teńgege jýyq jeńildetilgen 6% nesıemen qamtamasyz etý josparlanǵan. «Bızneske arnalǵan Úkimet» biryńǵaı servısi arqyly 40 myńnan astam qyzmet kórsetip, shaǵyn jáne orta kásipkerlik sýbektileriniń sanyn 150 myńǵa deıin jetkizý, óndiriletin ónim kólemin 900 mlrd teńgege deıin ulǵaıtý kózdelgen. «Ortalyq Azııa» halyqaralyq saýda-ekonomıkalyq yntymaqtastyǵy ortalyǵyn qurý maqsatynda Saryaǵash aýdanynda 200 gektar aýmaqqa saýda ortalyǵynyń qurylylys salý jobasy ázirlenbek.
