«Bıyl 17,1 mlrd teńgege 49 mekteptiń qurylysyn júrgizý, onyń ishinde 11 mektepti jańadan salý josparlandy. Mektepke deıingi uıymdardy 1 436-ǵa jetkizip, «Jas maman» jobasy boıynsha 7 kolledjge 2,1 mlrd teńge bólinedi. Byltyrǵy jyly bilim berý salasyna 334,3 mlrd qarjy baǵyttaldy. Jyl basynan 2 myńǵa jýyq balaǵa arnalǵan 15 jekemenshik balabaqsha iske qosylyp, 500-ge jýyq balaǵa qosymsha toptar ashyldy. Sonyń nátıjesinde balalar 100 % balabaqshamen qamtyldy», dedi oblys ákimi.
Mektepterde qashyqtan oqytýdy uıymdastyrý maqsatynda balalar kompıýter quraldarymen tolyq qamtylǵan. Úkimet rezerviniń qarjysyna 7 711 planshet, 6 myńǵa jýyq kompıýter, 43 527 noýtbýk, barlyǵy 57 190 kompıýter satyp alynyp, aýdan, qalalarǵa taratylyp berildi. Byltyr 15,8 mlrd teńgege 52 bilim nysandarynyń qurylysy júrgizilip, jyl qorytyndysymen 16 nysan paıdalanýǵa tapsyryldy. Onyń ishinde 1 apatty jáne 1 úsh aýysymdy mekteptiń máselesi sheshildi.
«Oblysta «Jas maman» jobasy boıynsha bıyl 5 kolledjge 1,3 mlrd teńge bólinip, halyqaralyq standartqa sáıkes materıaldyq tehnıkalyq bazamen jabdyqtaldy. Elbasynyń «Barshaǵa arnalǵan tegin kásiptik bilim» jobasy aıasynda 49 bilim berý uıymyna 7 291 oryn kóleminde bilim berý tapsyrysy bólindi. Halyqaralyq yntymaqtastyqty nyǵaıtý jumystarynyń nátıjesinde «Kentaý transformator zaýyty» AQ, «TUV Rheiland Akademie GmBH» konsernimen kelisimshart jasalyp, Kentaý polıtehnıkalyq kolledji «Qazaq-nemis polıtehnıkalyq kolledji» jańa statýsyn ıelene maman daıarlaýda, jańa baǵdarlama jasaýda», dedi О́mirzaq Estaıuly baıandamasynda.
