Ekibastuzdaǵy «Bolat Nurjanov atyndaǵy GRES-1» seriktestigi qysqy maýsymǵa jaqsy daıarlyqpen jumysqa kiristi. Elektr energııasyn óndirýmen jáne taratýmen aınalysatyn jylý elektr stansasynyń belgilengen qýattylyǵy 4000 MVt. Oǵan tepe-teń negizde «Samuryq-Energo» aksıonerlik qoǵamy men «Qazaqmys» toby ıelik jasaıdy. Stansa Ekibastuzdyń kómirin paıdalanady. О́ndirgen elektr energııasynyń basym bóligi elimizdiń energetıkalyq naryǵynda úlestiriledi.
Ekibastuzdaǵy «Bolat Nurjanov atyndaǵy GRES-1» seriktestigi qysqy maýsymǵa jaqsy daıarlyqpen jumysqa kiristi. Elektr energııasyn óndirýmen jáne taratýmen aınalysatyn jylý elektr stansasynyń belgilengen qýattylyǵy 4000 MVt. Oǵan tepe-teń negizde «Samuryq-Energo» aksıonerlik qoǵamy men «Qazaqmys» toby ıelik jasaıdy. Stansa Ekibastuzdyń kómirin paıdalanady. О́ndirgen elektr energııasynyń basym bóligi elimizdiń energetıkalyq naryǵynda úlestiriledi.
Búginde bul stansada «Qazaqmys» toby men «Samuryq-Energo» AQ-tyń jalpy quny 1 mlrd. AQSh dollarynan asatyn uzaq merzimdi ınvestısııalyq baǵdarlamasy iske asyrylýda. Baǵdarlama iske qosylmaı turǵan eki energoblokty qalpyna keltirýdi jáne qoldanystaǵy bes energoblokty, jalpy stansalyq jabdyqtardy kúrdeli jóndeýden ótkizip, jańǵyrtýdy, tazartýshy elektr súzgilerin ornatýdy kózdeıdi.
Qazirgi ýaqytta eki energoblok ta qalypty jumys jasap tur. Budan basqa taǵy eki energoblok ázirlik sapyna qoıylǵan. Negizinde stansanyń barlyq 6 energoblogy jumysqa kiriskende stansa 3000 MVt. qýattylyǵyna jetedi. Stansa bıylǵy jyldyń 9 aıy ishinde GRES-1 stansasynda 10 032 mlrd. kVt. saǵat elektr energııasy óndirilipti. Qazirgi kezde otynnyń qory 465 357 tonna kómir, 1771 tonna mazýtty quraıdy. Jyldyń sońyna deıin taǵy da 1 500 tonna mazýt satyp alynbaq. Munda № 4, 6 jáne 8 energobloktary jóndeýden ótkizilse, №5 jáne №3 energobloktaryna elektr súzgileri ornatyldy, №7 energoblokqa kúrdeli jóndeý júrgizildi. Tıimdiligi joǵary bolatyn tazartýshy eki elektr súzgisiniń ornatylýy aýaǵa taralatyn zııandy zattardyń kólemin barynsha qysqartady. Jalpy, zamanaýı elektr súzgiler stansada jumys jasap turǵan barlyq energobloktarda qarastyrylǵan. Olardy kúzgi-qysqy kezeńge daıarlaý úshin 64 is-sharadan turatyn baǵdarlama iske asyryldy. Tosynnan kelgen apattardan saqtaný jáne órt sóndirý júıelerine tekseris jasaldy. Qyzmetkerler quramynyń tótenshe jaǵdaılarda jumys jasaý boıynsha jattyqtyrýlary ótti. Kásiporynnyń bas dırektory Rysqan Svambaevtyń aıtýynsha, bul jasalǵan jumystar qysqy maýsymda tapsyrylǵan mindetterdi múltiksiz oryndaýǵa múmkindik beredi.
Farıda BYQAI,
«Egemen Qazaqstan».
EKIBASTUZ.
