Qazaq eli táýelsizdik alǵaly Rıdder qalasynyń ákimi bolyp biraz azamat qyzmet atqardy. Olardyń arasynda ártúrli ult ókilderi boldy. Sol ákimderdiń qoldaýynyń, basqarýynyń arqasynda qalamyz órkendep, barlyq ult azamattary bir atanyń balasyndaı bolyp, berekeli ómir súrýdemiz.
«Shańyraq» mektebiniń irge bekitýine qala tizginin ustaǵandar mol úles qosty. Sol ákimder (Iý.Kýdınov, V.Shıpıtılnıkov, V.Býgtýgýtov, Sh.Snegovskıı, N.Tilemisov, D.Kavrıgın, M.Saparǵalıev) atalmysh jeksenbilik mekteptiń bastaýysh, ortalaý, orta mektep-gımnazııasyna aınalýyna kóp septigin tıgizdi. Sóıtip, ata-analardyń arman-maqsaty iske asty.
*Janaıqaı
Qazaq eli táýelsizdik alǵaly Rıdder qalasynyń ákimi bolyp biraz azamat qyzmet atqardy. Olardyń arasynda ártúrli ult ókilderi boldy. Sol ákimderdiń qoldaýynyń, basqarýynyń arqasynda qalamyz órkendep, barlyq ult azamattary bir atanyń balasyndaı bolyp, berekeli ómir súrýdemiz.
«Shańyraq» mektebiniń irge bekitýine qala tizginin ustaǵandar mol úles qosty. Sol ákimder (Iý.Kýdınov, V.Shıpıtılnıkov, V.Býgtýgýtov, Sh.Snegovskıı, N.Tilemisov, D.Kavrıgın, M.Saparǵalıev) atalmysh jeksenbilik mekteptiń bastaýysh, ortalaý, orta mektep-gımnazııasyna aınalýyna kóp septigin tıgizdi. Sóıtip, ata-analardyń arman-maqsaty iske asty.
Endi qazirgi qala ákiminiń aýzynan mynandaı sóz shyqqanyna tańǵalyp otyrmyz. Ol bylaı deıdi: «Iа voobshe za smeshannýıý shkolý, chtoby podderjat drýjeskıe otnoshenııa mejdý nasııamı». Ákimniń osy sózi qolymyzǵa eriksiz qalam alýǵa májbúr etti. Osyndaı aıtylǵan sózdiń astary onyń oı-baılamynan habar beredi.
Memlekettik tilde oqytatyn mekteptiń ulttar arasyndaǵy dostyq qarym-qatynasqa kedergi keltirgenin estidińizder me? Álde bul ózge ult ókilderiniń arasynda «jalǵan bedel» jınaýdyń amaly ma? Mundaı sóz qazaq ulty ókilderi ǵana emes, qala jurtshylyǵy arasynda túsinbeýshilik, tańǵalýshylyq týǵyzýda. El táýelsizdik alǵaly Elbasynyń qoldaýymen memlekettik tildegi mektepterdiń sany birtindep artyp, halqymyzdyń ulttyq sana-sezimi oıanyp kele jatqanda, qala ákiminiń aýzynan shyqqan osy sóz rıdderlikterdi oılandyryp qana qoımaıdy. Memlekettik tildegi mekteptiń damýyna, Elbasynyń elimizdegi birlikti qýattaǵan saıasatyna nuqsan keltire me degen oıdamyz.
Qalamyzda áli kúnge deıin qazaq balabaqshasynyń bolmaýynan qazaq mektebine balalar daıyndyqsyz keledi. Orys balabaqshalarynda qazaq toptary bar delingenmen, balalarymyzdyń tilderi damymaı, shorqaq bolyp qalýda. Tipti, keıbireýleri qazaqshasyn umytyp, oryssha sóıleıdi.
Qazaq balabaqshasyn ashamyz degen ákimdiktiń sózine úmittenip edik. Qazir 12 toptyń ekeýi ǵana qazaqqa buıyrdy. Kezekte turǵan, balasyn balabaqshaǵa ornalastyra almaı júrgen ata-analar qanshama? Qazaq balabaqshasy bolsa, basqa ult ókilderi de balalaryn sonda berer edi.
Qaladaǵy memlekettik tilde oqytatyn mektep eki ǵımaratqa bólingen. Sol aralyqta oqýshylar sabylyp júredi. Bul oqý-tárbıe prosesine úlken kedergi keltiredi. Máseleni sheshemin dep, memlekettik tildegi bilim uıasyn aralas mektepke aınaldyrý qazaq tiliniń bolashaǵyna balta shabý dep bilemiz. Jıyrma eki jyl boıy qalada mektep salyna bastasa, memlekettik tilde bilim beretin mekemege beremiz degen Rıdder qalasy ákimderiniń ýádesi keıinnen umytylyp qala beretini qalaı? Qalaǵa jańa ákim kelgeli bir mektep jabylyp, endi aralas mektep ashý qamyn oılastyrǵany laıyqsyz is. Ákim men halyqtyń oıy bir jerden shyǵyp jatsa, quba-qup bolar edi.
Endi órkendep kele jatqan mektepti aralas mektepke aınaldyrǵanda ne utamyz? Ata-ananyń tilegin, oqýshylardyń úmitin kim aqtaıdy? Buryn da qalamyzda aralas mektep az emes edi. Bizder, úıimiz qalanyń shet jaǵyna ornalassa da, balalarymyzdy memlekettik tildegi mektepke erikkennen, ne bolmasa oısyzdyqtan berip otyrǵamyz joq. Ata-analar óz balasyn qaı mektepke oqytýyn tańdaýǵa quqy bar ekenin de umytpaǵanymyz jón. Rıdder qalasynyń ákimi Jomart Muratovtyń munysy nesi?!
Memlekettik tildiń, ıaǵnı qazaq tiliniń kıesin esten shyǵarmasaq deımiz. Bizdiń bul aıtqandarymyzdan oń sheshim bolady degen úmitimiz bar.
Ata-analar atynan:
J.J.Taýasarova, A.K.Gýsapova, A.K.Ýlkýeva, J.J.Sadolova, B.T.Saǵatbaeva, V.A.Zınchenko, E.A.Iаrıch, T.V.Prıtchına, t.b.
barlyǵy – 100 adam qol qoıǵan.
Shyǵys Qazaqstan oblysy.
