Búginde kóptegen buqaralyq aqparat quraldary málimdegendeı, Mıshel Obama kúıeýimen ajyrasýǵa aryz bergen. Bul týraly Utro.ru habarlady.
«The Nation» jýrnaly jazǵandaı, Barak Obamanyń taıaýda ótken Nelson Mandelanyń asynda Danııa premer-mınıstri Helle Tornıng-Shmıttke qyryńdaı bergeni AQSh birinshi ledıin qatty renjitken kórinedi. Basylym aqparyna qaraǵanda, jubaılar arasyndaǵy kıkiljińniń bastalǵanyna biraz bolǵan. Olar birqatar ýaqyttan beri ár bólmede uıyqtaıtyn kórinedi. «Olardyń nekeleri uzaqqa barmaıdy. Bular kóp jyldar boıy ózderiniń qyzdary men saıası mansaptary úshin qarym-qatynastaryn saqtaýǵa tyrysyp keldi», – dedi prezıdent otbasyna jaqyn adam. Onyń sózine qaraǵanda, bir joly birinshi hanym: «Meniń shydamym taýsyldy!» – dep, ajyrasý máselesin talqylaý úshin advokatqa júginipti.
Bıylǵy jylǵy sáýirde Barak Obamaǵa Kalıfornııa shtatynyń bas prokýrory Kamalı Harrıstiń atyna aıtqan komplımenti úshin áıelinen keshirim suraýǵa týra kelgen. San-Fransıskoda Demokratııalyq partııaǵa qarjy jınaýǵa arnalyp ótken jıynnan keıin prezıdent bas prokýrorǵa kásibı deńgeıi úshin alǵys aıta otyryp, onyń syrtqy kelbetine baılanysty da jaqsy pikirin bildire ketken edi. «Budan bólek, ol – bizdiń elimizdegi eń tartymdy bas prokýror… bul shynynda da solaı. Árıne», – dedi Obama.
2012 jyly erli-zaıyptylar ózderiniń úılengenderiniń 20 jyldyǵyn atap ótken bolatyn. Olar Twitter arqyly bir-birlerine jyly, názik sezimderin jetkizdi. «Týra 20 jyl buryn men ózimniń búkil ómirimdegi mahabbatym jáne eń úzdik dosym bolatyn qyzǵa úılendim. Jyldyq mereke qutty bolsyn, Mıshel», – dep jazdy prezıdent. Oǵan Mıshel: «Jıyrma jyldyǵymyzben quttyqtaımyn, Barak. Tańǵajaıyp kúıeýim, dosym jáne ákem bolyp qala bergeniń úshin saǵan rahmet. Men seni súıemin!», – dep jaýap qaıtarǵan edi.
Aıdar О́risbaev.
Derekkóz: Utro.ru
Foto: Gazeta-sr.ru
