Qoǵam • 24 Aqpan, 2021

Qart adamdardyń ómir súrý sapasyn arttyrý boıynsha is-sharalar jospary bekitildi

11 ret kórsetildi

Eńbek jáne halyqty áleýmettik qorǵaý mınıstrligi qart kisilerdiń jaǵdaıyn jaqsartý jónindegi 2025 jylǵa deıingi «Belsendi uzaq ómir súrý» is-sharalar josparyn bekitti. Qujat QR-nyń 2030 jylǵa deıingi áleýmettik damý tujyrymdamasyn jáne Nur Otan partııasynyń saılaýaldy baǵdarlamasyn iske asyrý sheńberinde ázirlendi, dep habarlaıdy Egemen.kz.

Josparda 9 baǵyt boıynsha 36 is-shara qarastyrylǵan. Olardyń barlyǵy aǵa býyn azamattarynyń ómir súrý sapasyn, ómir uzaqtyǵyn arttyrýǵa, áleýmettik jáne psıhologııalyq salamattylyqqa, áleýmettik ómirge tartýǵa jáne t. b. baǵyttalǵan.

Qujat «Aǵa býyn azamattarynyń quqyqtaryn saqtaý jáne qadir-qasıetin qamtamasyz etý», «Aǵa býyn azamattarynyń materıaldyq jaǵdaıy», «Aǵa býyn azamattarynyń jumyspen qamtylýyn arttyrý», «Qart adamdary bar otbasylardy qoldaý» jáne t. b. baǵyttardy qamtıdy.

Mysaly, «Bos ýaqytty uıymdastyrý úshin jaǵdaı jasaý» baǵyty aıasynda elimizdiń barlyq óńirlerinde belsendi uzaq ómir súrý ortalyqtaryn ashý, qart adamdar úshin mádenı-buqaralyq is-sharalar ótkizý, qarttar kúnin merekeleýge arnalǵan is-sharalar ótkizý jáne t. b. josparlanýda.

Ulttyq jospardy ázirleý kezinde Madrıdtiń qartaıý máseleleri jónindegi halyqaralyq is-qımyl josparynyń usynystary eskerildi. Onda qart adamdardyń tek áleýmettik qamtamasyz etilýine ǵana emes, sonymen qatar zııatkerlik jáne óndiristik tájirıbe ıesi, qoǵam damýynyń belsendi qatysýshylary retinde suranysqa ıe bolýyna baǵyttalǵan sharalar qarastyrylǵan.

Búgingi tańda Qazaqstan BUU anyqtaǵan 7 paıyzdyq shekti eńserip, halqy qartaıǵan elderge jatqyzyldy. Elimizdiń 8 aımaǵyna qartaıý prosesi tán.

Máselen, eldiń soltústik-shyǵysynda jáne Ortalyq Qazaqstannyń bir bóliginde jaǵdaı Eýropa elderimen uqsas, ıaǵnı halyqtyń az tabıǵı ósimi jáne kóshi-qonnyń teris saldosy sebebinen jas adamdarmen salystyrǵanda egde adamdar sanynyń tez ósýine baılanysty halyqtyń qartaıýy oryn alady.

Respýblıkanyń ońtústik jáne batys óńirlerinde, sondaı-aq Nur-Cultan qalasynda bala týýdyń ósýi esebinen 15 jasqa deıingi halyq úlesiniń ulǵaıýy baıqalady, nátıjesinde halyqtyń qartaıý kórsetkishi tómendeıdi.

Is-sharalar josparymen enbek.gov.kz saıtynda tanysýǵa bolady.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar