Batys Qazaqstan oblysynda elektr jaryǵynyń bolmaýynan úılerde jylytý júıesi qatyp qaldy, dep habarlaıdy QazAqparat tilshisi. BQO TJ departamentiniń baspasóz qyzmeti málim etkenindeı, oqıǵa Tasqala aýdany Tasqala aýylynda boldy.
Búgin saǵat 11.30-da aýa raıynyń nasharlaýy saldarynan keshe tórt saǵat ýaqyt boıy aýylda elektr jaryǵy bolmaǵan. Sonyń saldarynan Jeńis kóshesindegi 16-ynshy jáne 18-mekenjaıda ornalasqan úsh qabatty eki úıde (barlyǵy 44 páter) jylytý júıesi isten shyqqan. Qazirgi kezde plastıkalyq turbalardy aýystyrý jáne jylytý júıesin qyzdyrý jumystary júrgizilýde. Turǵyndar óz úılerinde.
Jóndeý jáne qalpyna keltirý jumystaryna jergilikti atqarýshy organnan 40 adam, 2 tehnıka jumyldyryldy. Oǵan qosa Atameken aýylynda symnyń qysqa tuıyqtalýy saldarynan 43 abonent elektr qýatynan ajyratyldy. Qalpyna keltirý jumystarymen «Batys Qazaqstan elektr jelilerin taratý kompanııasy» AQ (4 qyzmetker, 1 adam) aınalysýda. Sondaı-aq Tasqala aýylynda Abaı men S.Jaqsyǵulov kósheleri qıylysynda dıametri 100 mm salqyn sý qubyry jaryldy.
Saldarynan 500 abonent sýsyz qaldy. Munda «Komhoz» MKQK (10 adam, 3 tehnıka) jumys jasaýda. Eske sala keteıik, budan buryn qatty aıazǵa baılanysty Oralda 1-9 synyp oqýshylary qashyqtan oqıtynyn, BQO-da 14 eldi mekenniń jaryqsyz qalǵanyn jazǵan bolatynbyz. Sondaı-aq kúshti jel mekteptiń shatyryn julyp áketti.
