Bilim • 26 Aqpan, 2021

UBT tapsyrý erekshelikteri «Ashyq esik» kúninde talqylandy

18 ret kórsetildi

Almaty oblysy Talǵar aýdanynyń bilim bólimi, Talǵar aýdany mektepteriniń tarıh páni muǵalimderi jáne 11-synyp oqýshylary Abaı atyndaǵy QazUPÝ Tarıh jáne quqyq ınstıtýty álem tarıhy kafedrasynyń uıymdastyrýmen ótken «Ashyq esik» kúnine qatysty.

Is-sharany Tarıh jáne quqyq ınstıtýtynyń dırektory Ádil Júnisov ashyp, barlyq qatysýshylardy osy is-sharamen quttyqtap, sáttilik tiledi. Abaı atyndaǵy QazUPÝ-dyń Kásibı baǵdar berý jáne bilim alýshylardy qabyldaý ortalyǵynyń dırektory Nurmuhan Áýesbekuly osy jylǵy UBT-ny ótkizý erekshelikteri týraly aqparat berdi.

Tarıh jáne quqyq ınstıtýty dırektorynyń ǵylymı ister jáne halyqaralyq yntymaqtastyq jónindegi orynbasary Muhtar Muratkazın Abaı atyndaǵy QazUPÝ-da jyl saıynǵa dástúrli túrde uıymdastyrylatyn «Abaı syıy-2021» respýblıkalyq pándik olımpıadasynyń erejesi boıynsha aqparatty, sondaı-aq Tarıh jáne quqyq  ınstıtýty dırektorynyń tárbıe isteri jónindegi orynbasary Nurbolat Manapbaev ınstıtýttaǵy stýdentterge arnalǵan úıirmeler, klýbtar men oqýǵa beriletin jeńildikteri boıynsha jan-jaqty aqparat berdi. Álem tarıhy kafedrasynyń oqytýshylary Rýslan Seıtkazıev jáne Eńlik Nurmuqan  UBT-da Qazaqstan tarıhy men álem tarıhy pánderi boıynsha suraqqa daıyndalý prınsıpteri, sonymen qatar kafedradaǵy bilimberý baǵdarlamalaryna oqýǵa túsýge arnalǵan paıdaly keńester men aqparattarmen bólisti.

Is-shara barysynda álem tarıhy kafedrasynyń qazaq jáne orys bólimderinde oqıtyn 1 jáne 2 kýrs stýdentteri de sóz sóılep, kafedranyń bilim berý baǵdarlamalary týraly vıdeorolıkti kórdi.

Talǵar aýdany mektepteriniń tarıh páni muǵalimderi jáne 11-synyp oqýshylary kafedrada daıyndalatyn mamandyqtar boıynsha suraqtarǵa jaýap aldy.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar