Aımaqtar • 26 Aqpan, 2021

Túrkistanda «Kásipkerlik qyrandary» jobasy bastaý aldy

5 ret kórsetildi

Túrkistanda ınvestorlardyń kómegimen mıkrobıznesti, startaperlerdi, «Bastaý Bıznes» túlekterin qoldaý maqsatyndaǵy «Kásipkerlik qyrandary» qanatqaqty joba bastaý aldy. Oblys ákimi О́mirzaq Shókeevtiń qatysýymen ótken televızııalyq jobanyń alǵashqy túsiriliminde jas kásipkerler tájirıbeli bıznes ókilderiniń aldynda bıznes - jobasyn qorǵady.  

Mol tabys tabýdyń qyr-syryn úıretip, kásiptiń órkendeýine úles qosýǵa óńir kásipkerleri qoldaý kórsetedi. Tuńǵysh ret qolǵa alynǵan jobaǵa Q.Abasov, N.Ábishev, S.Arapbaev, A.Ahmetov, S.Ertaev, T.Muratov, M.Rısmetov, I.Namazbaeva, B.Sermanızov syndy óńirdegi iri bıznesmender qatysty. Tok-shoý baǵdarlamasy naýryz merekesinde «Turkistan» telearnasynyń alǵashqy efırinde jaryqqa shyǵady. Oblys ákimi óńirdiń jas kásipkerlerine qoldaý kórsetý múmkindigi úshin ınvestorlarǵa alǵys aıtty. «Kásipker bolý úshin ózi tańdaǵan salasynda biliktilik pen kásibılik kerek. Kásipkerler kúndelikti táýekelge barady. Sondyqtan ekiniń biri kásipker bola almaıdy. Elimizde shaǵyn jáne orta bıznesti damytýǵa jáne qoldaýǵa erekshe kóńil bólinedi. Bul sala Elbasy Nursultan Nazarbaevtyń, Memleket basshysynyń erekshe nazarynda. О́zderińizdeı, jas ta bolsa jeke kásiptiń tutqasyn ustaýǵa qulshynǵan azamattardy qoldaımyz», dedi О́mirzaq Shókeev.  Sondaı-aq oblys basshysy startaperlerdiń, jas kásipkerlerdiń jobalaryn jáne áleýmettik jobalardy qoldaý boıynsha sońǵy eki jylda qabyldanǵan sharalarǵa toqtaldy.

Aıta ketý kerek, ınvestorlarǵa óńdeý ónerkásibi, tamaq jáne aýyl sharýashylyǵy, qyzmet kórsetý jáne týrızm salalaryndaǵy 60-qa jýyq áleýetti jobalar tanystyryldy. Qatal saraptaýdan ótip, fınaldyq kezeńge shyqqan joba avtorlary ınvestısııa úshin kúreste ózderiniń bıznes - ıdeıalaryn ortaǵa saldy. Jobalardyń basym bóligi Túrkistan qalasynda júzege aspaq. Atap aıtqanda, óńirde taza tabıǵı ónimniń óndirisi damyp, myryshpen qaptalǵan qurylys materıaldary shyǵarylmaq. Jańa tásilmen anar men almurt ósirilip, veterınarııalyq jedel járdem ashylady. Ekologııalyq taza polıetılen qapshyqtary óndirile bastaıdy.

Otyrystyń qorytyndysy boıynsha, ınvestorlar men qatysýshylar arasynda 88 mln teńge bolatyn jobalardy iske asyrý boıynsha yntymaqtastyq týraly 8 memorandým jasaldy. «Atameken» О́KP jáne oblystyq kásipkerlik jáne saýda basqarmasy uıymdastyrǵan is-shara jalǵasyn tabady. Investorlar qoldaýyn tapqan barlyq jobanyń damý satysy baqylanyp, eseptik kezdesý ótedi.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar