Oqıǵa • 26 Aqpan, 2021

Petropavlda ulandyqtar órtengen úıden úsh adamdy alyp shyqty

70 ret kórsetildi

Petropavl qalasynda ulandyqtar órtengen úıden úsh adamdy qutqardy, dep habarlaıdy Egemen.kz

Oqıǵa búgin saǵat 12:10 shamasynda boldy. Ulttyq ulannyń elordalyq 5573 áskerı bóliminiń qyzmetkeri, maıor Álim Tasmaǵambetov kezekti eńbek demalysynda bolǵan. О́z kóligimen jumystarmen oblys ortalyǵynyń N.Nazarbaev kóshesimen ketip bara jatyp, bes qabatty turǵyn úıdiń birinen qoıý tútin shyǵyp jatqanyn baıqaıdy.  

Sol sátte tútin býdaqtaǵan páterde  eshkim bolmaǵan. Ofıser 101 telefonyna habar berip, órt shyqqan kireberis turǵyndaryn syrtqa shyǵara bastaıdy. Jedel áreket etip, úıden eki egde azamatshany jáne bir jasóspirimdi alyp shyqty. Sóıtip olar tońyp qalmas úshin óz kóligine otyrǵyzady.

– Birinshi qabattan tútindi baıqadym. Tútin tez arada búkil kireberisti alǵan. Jol-jónekeı men órt sóndirýshi topty shaqyrdym. Kireberistiń syrtqy esi jabyq eken. Men barlyq páterge qońyraý shala bastadym, keı terezelerge qar laqtyrdym. Osy arqyly eldiń kóńilin órtke bólgim keldi. Sanaýly sekýndtarda syrtqy esik te ashyldy. Qýanyshtysy, sol órtengen úıde eshkim bolmaı shyqty. Men joǵary qabattarǵa kóterilip, ár páterdiń esigin qaǵyp shyqtym. Besinshi qabatta 83 jasar egde áıel turady eken. Ol uıyqtap jatqan bolýy kerek, órttiń shyqqanyn sezbegen. Men ony kóterip alyp, dalaǵa shyǵardym. Ile-shala 70 jastaǵy azamatsha men 14 jastaǵy jetkinshekti syrtqa shyǵaryp, kóligime otyrǵyzdym. Sebebi kún aıaz edi, – deıdi Ulttyq ulan ofıseri.

Keıin órt ornyna Ulttyq ulan Áskerı ınstıtýtynyń eki áskerı qyzmetkeri keldi. Kishi serjant Denıs Mýhın jáne praporshık Evgenıı Vıdnıkevıchter de órt sóndirýshilermen qalǵan turǵyndardy órtengen úıden syrtqa shyǵardy. Áskerıler úıden taǵy bir balany evakýasııalaǵan.

Aıta keteıik, jalpy tútindegen kireberisiten 15 adam, onyń ishinde 3 bala qutqaryldy. О́rtten eshkim zardap shekken joq.

Sońǵy jańalyqtar

Uqsas jańalyqtar