Avtoturaq 191 kólikke arnalǵan. Kelýshiler bir saǵat úshin 100 teńge tóleıdi. Ol táýlik boıy jumys isteıdi.
«Demalys kúnderi «Medeýge» baratyn júrgizýshiler yńǵaısyzdyqqa tap bolyp jatady. Avtoturaqta oryn jetpeıdi, keshenge kireberister qoqysqa tolady. Avtokólik ıelerine tolyq jabdyqtalǵan avtoturaqtyń paıda bolýy jeke kólik quraldaryn paıdalaný kezinde yńǵaıly bolady. Sonymen turaq erejesin buzatyndar azaıady», dep túsindirdi kompanııa ókilderi.
Avtoturaqta qorshaýlar, shlagbaým, halyqaralyq standarttarǵa sáıkes belgiler bar. Avtoturaq aqysyn parkomat kómegimen nemese onlaın-tólemniń barlyq túri – «Almaty turaqtary» qoldanbasy, mobaıl bankıng, QIWI termınaldary jáne SMS arqyly tóleýge bolady.
