Áleýmettik qyzmetkerler úıde jeke basty qarttardy jáne erekshe qajettiligi bar balalardy kútýmen aınalysady.
Atap aıtqanda, áleýmettik kómek kórsetý bóliminde esepte turǵan 29 jalǵyzbasty qart pen erekshe qajettiligi bar 90 bala jáne 18 jastan asqan 5 erekshe qajettiligi bar azamat áleýmettik qyzmetke júgingen.
Kórsetilip jatqan kómekter qatarynda áleýmettik-turmystyq qyzmetter men áleýmettik-medısınalyq, áleýmettik-psıhologııalyq qyzmet túrleri bar.
Sonymen birge, 18 jastan asqan erekshe qajettiligi bar jandar men qarttarǵa úı jaǵdaıynda kórsetiletin áleýmettik-eńbek qyzmetterine, qyzmet alýshylar men olardyń otbasy múshelerine úıdegi eńbekti uıymdastyrý máselesi jóninde konsýltasııa berý syndy jumystar jasalyp jatyr.
Budan ózge, merekeler men tynyǵý is-sharalaryn uıymdastyrý men áleýmettik-quqyqtyq qyzmetterde kómek qolyn sozý, áleýmettik-ekonomıkalyq máselelerdi sheshýde bilikti jáne tıimdi kómek kórsetý júıeli júzege asyrylyp jatyr.
