Aımaqtar • 08 Naýryz, 2021

Túrkistanda oblys basshylyǵy jas analar men dárigerlerdi mereıli merekemen quttyqtady

26 ret kórsetildi

Túrkistan oblysy ákimi О́mirzaq Shókeevtiń tapsyrmasymen  ákimniń orynbasary Arman Sábıtov pen qoǵamdyq densaýlyq basqarmasynyń basshysy Marat Pashımov №1 oblystyq perınataldyq ortalyǵynda bolyp,  jas analardy jáne dárigerlerdi «8 naýryz - Halyqaralyq áıelder kúni» merekesimen quttyqtady, dep habarlaıdy Egemen.kz.

«Ana – ómirdiń gúli, tirshiliktiń nury, meıirim men izgiliktiń jarshysy. Áıel bútin bir shańyraqtyń shamshyraǵy. Endeshe mereıli merekede sizderge tek shattyq pen qýanysh tileımiz!Árdaıym aqpeıil de qamqor, adal da, úlgili qalyptaryńyzdan aınymaı júre berińizder», dep jyly lebizin bildirdi Arman Sábıtov.

Búginde perınataldyq ortalyqta 656 maman jumys isteıdi. Onyń 609-y názik jandylar. Olardyń qatarynda dárigerler men medısına ǵylymdarynyń kandıdattary jáne densaýlyq saqtaý salasynyń  úzdikteri bar. «Sizder mereke kúnderinde de jumys istep, jańa týǵan jas sábıdiń únimen balaly bolǵan otbasylardyń qýanyshyna sebepkersizder. Shyn júrekten qoldaý kórsetkenderińiz úshin jáne naýqastarǵa kún saıyn kórsetetin qajyrly qyzmetterińiz úshin alǵysym sheksiz!», dep   qoǵamdyq densaýlyq basqarmasynyń basshysy Marat Pashımov názik jandylardyń eseli eńbekterine tileýlestik bildirdi.

Túrkistan oblysynda  jyl basynan beri 10 myńnan astam sábı dúnıege kelgen. Oblystyq perınataldyq ortalyq  zamanaýı jabdyqtarmen jabdyqtalǵan. Iаǵnı ortalyqta jasalǵan jaǵdaılar óńirdegi júzdegen náresteniń ómirin saqtap qalýǵa jáne áıelderge  ana bolý baqytyn syılaýǵa septigin tıgizýde

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar