«Nodýlıarlyq dermatıtke qarsy is-qımyl maqsatynda «Bıologııalyq qaýipsizdik problemalary ǵylymı-zertteý ınstıtýty» RMK 2019 jyly vaksına ázirlendi jáne qazir osy aýrýǵa qarsy vaksına Aýyl sharýashylyǵy mınıstrligine jetkizilip jatyr.
Búgingi tańda Qazaqstanǵa shekaralas Reseı Federasııasy oblystarynda joǵary patogendi qus tumaýynyń (JPT) jáne afrıkalyq shoshqa obasynyń oshaqtary tirkelýde. Epızootııalyq ahýal 2020 jylǵy tamyzdan qarashaǵa deıin elimizdiń 8 oblysynda JPT-nyń 95 oshaǵy tirkelgenin kórsetedi», dep jazdy Asqar Mamın depýtattyq saýalǵa bergen jaýabynda.
Onyń aıtýynsha, JPT órshýi kezeńinde veterınarııalyq preparattardyń respýblıkalyq qorynan qustardy májbúrli túrde vaksınasııalaýdy júrgizý úshin 220,7 mln teńgege jospardan tys qosymsha 4,3 mln doza vaksına bólindi. Josparly profılaktıkalyq sharalar aıasynda qustardy josparly vaksınasııalaý úshin JPT-ǵa qarsy vaksınanyń 3,4 mln dozasy bólingen. Veterınarııalyq-sanıtarlyq talaptarǵa sáıkes JPT-men aýyratyn barlyq qustar joıyldy jáne olardyń ıelerine ortasha aılyq naryqtyq quny boıynsha ótem jasaldy. Joǵaryda kórsetilgen kezeńde barlyǵy 1,971 mln qus tárkilendi jáne joıyldy, onyń 97%-y 4 qus fabrıkasyna tıesili (Soltústik Qazaqstan oblysy – 2, Qostanaı oblysy – 1 jáne Almaty oblysy – 1).
«2020 jyldyń qorytyndysy boıynsha Úkimet tárkilengen jáne joıylǵan aýrý qustardyń qunyn óteý úshin respýblıkalyq bıýdjetten 3 mlrd teńge bóldi. Sonymen birge QR Bas prokýratýrasy anyqtaǵan buzýshylyqtardy joıý boıynsha 2021-2023 jyldarǵa arnalǵan is-sharalar jospary ázirlendi jáne bekitildi. Atalǵan sharalar jospary aýyl sharýashylyǵy janýarlaryn sáıkestendirý, veterınarııalyq-profılaktıkalyq is-sharalardy josparlaý, veterınarııalyq preparattardyń sapasyn baqylaý, veterınarııa salasynda aǵartý jumystaryn júrgizý jáne sıfrlandyrý qyzmetterin nyǵaıtýǵa baǵyttalǵan sharalardy qamtıdy», deıdi A. Mamın.
