«Iýventýstyń» sapynda jasyndaı jarqyrap júrgen Krıshtıaný Ronaldý osy oıynda qarsylastar qaqpasyn úsh márte dál kózdep, het-trık avtory atandy. Bul doptardy ol 10, 25 jáne 32 mınýttarda qaqpaǵa toǵytty. Osylaısha, áıgili portýgalııalyq fýtbolshy óziniń sporttyq karerasynda soqqan goldar sanyn 770-ke jetkizip, dańqty Peleniń ózinen asyp tústi. Aty ańyzǵa aınalǵan Brazılııa oıynshysy 767 ret nysanany dál kózdegen.
Kezdesý aıaqtalǵan bette Ronaldý «Peleniń ǵalamat oıyny, onyń alǵa qoıǵan maqsaty jáne qol jetkizgen tabystary jaıynda áserli áńgimelerdi estip óspegen oıynshy jer jahanda joq-aý, sirá. Men de solardyń birimin. Sol sebepti de Peleniń rekordyn jańartyp, álemniń surmergen shabýylshylarynyń kóshin bastaýǵa kúsh-qýatymnyń jetkenine dál qazir erekshe shattanyp turmyn. Men Madeırada dop teýip júrgenimde osyndaı orasan zor kórsetkishke qol jetkizemin dep esh oılaǵan joq edim», dep Ronaldý aǵynan jaryldy.
